母親的職業

母親從大陸走難到香港後, 曾在絲巾廠及宏興鷓鴣菜工作, 結婚後轉為幫爸爸打理生意, 在電子業生產線高峰期, 她和爸爸曾當過判頭, 主要是從電器廠商取零件後, 再分發給一些家庭加工, 後來生了我們幾個兒女後, 便再沒有出外工作, 轉為全職主婦.

爸爸去澳門工作時, 間中她亦會同行, 只是她不會像爸爸那般逗留太久, 在探望過舅、公舅婆一家後, 約二、三天內便會趕著回港, 原因是她會記掛著家裏的孩子, 總是來去怱怱, 母愛真偉大...

My Pet

近日除了公事繁忙之外, 家事亦非常忙碌, 因為家中的成員要分娩, 幾條孔雀魚乸輪流生魚仔, 為了幫她們接生, 令到我都有些神經緊張 , 不過能夠親眼看著新生命誕生, 幾忙碌都是值得的, 但今次接生和以前有些不同, 因為其中有兩條 BB  魚是連體魚, 黐埋一起, 永遠都是共同進退, 好老友呢! 真估不到人類有連體嬰, 魚類亦有連體魚, 希望這兩條連體魚能快些自動分體啦 (因為我不是獸醫, 也不知怎樣幫他們分體啊  !), 相信他們分體後, 必定會更加健康快樂地成長.

連 體 魚

魚 B B  護 育 隔 離 缸

左 鄰 右 里

愛你變成害你?

有日坐長途車, 車中有兩個細路不停玩笑嘈吵, 過了良久, 情況依然, 後來他們鄰坐有位中年婦人受不了, 好大聲咁話佢哋:「咁嘈會影響其他乘客架, 唔好嘈得唔得, 無家教...」

兩個細路聽見被人話, 都知道立即收口, 車箱頓時回復平靜, 可惜他們的父親可能愛子深切, 唔捨得個仔俾人鬧, 又可能唔憤氣俾人話 “無家教”, 不但無責備兒子, 反而用粗口反駁那婦人, 說:「細路係咁嘈架啦, 佢哋又唔係啞, 多乜餘... XYZ...」, 兩小孩聽見有父親撐後, 便故態復萌, 全程大聲嘻哈對話, 手舞足蹈, 旁若無人, 他們下車後, 那婦人對旁座乘客慨歎說:「個仔咁百厭嘈住人都唔話吓佢哋, 唔知點教仔, 正社會敗類...」. 

. . . . . . . . . . . . . . . . . . . . . . . .

 

此事件令我觸發起一些看法, 在此順道記下來, 不知其他人會否認同?   

       

1)      那婦人話那些小孩嘈吵雖然是無可厚非, 但話人哋無家教, 語意便重了一點點, 容易令當事人反感, 覺得有撩交嗌之嫌.
2)          那父親的作為, 本人亦不會苟同, 如果我係佢, 我會叫個仔乖 D, 唔好咁百厭嘈住人, 一來可藉機教導兒子在公共場所要守秩序, 不可擾攘喧嘩影響旁人, 二來可以證明俾人睇佢哋唔係無家教嘅, 好過現在這般, 親手抓爛自己張臉, 印證了批評者 “無家教” 之言論, 旁觀者聽了都不會企係佢嗰邊啦.

我覺得教兒女是要身教嘅, 耳濡目染, 孩子很易受父母的行為及言論影響, 那父親替兒子出頭反罵那婦人, 會令兒子以為自己無做錯, 不懂反省, 便不會改進, 更甚的會變本加厲, 令他們偏離了正軌! 過份溺愛兒女, 到頭來愛你變成害你, 又可苦呢?

. . . . . . . . . . . . . . . . . . . . . . . .

愛 你 變 成 害 你 (柔情版) 

主唱:   羅文       作詞:   黃霑       作曲:   顧嘉輝

甚麼是情   甚麼是愛   為甚麼愛會變成害

我愛你變成害你   萬種恩情變禍災 甚麼是好   甚麼是歹   為甚麼好會變成歹
我愛你變成害你   千番好意竟成歪
難道人生真是孽海   三頭六臂跳不出來
難道人生只有悲哀   千恩萬愛都不存在
我没有恨   我只有愛   為甚麼偏會把你害
我愛你變成害你   早知害你我不愛
難道人生真是苦海   神仙也是跳不出來
難道人生只有黑暗   光明永遠都不存在
我没有恨   我只有愛   為甚麼恨來   愛不來
我愛你變成害你   早知害你我不愛

巫啟賢 (激情版): http://www.bala.com.cn/player/balaplayer.html?cid=27560

有誰共鳴

有 古 講

話說 28.12.2006 某君下午食完飯返回公司, 突然佢呀頭叫了她及其他幾個人入會議室開會, 她下意識就覺得唔會係好嘢.

... 原來有個元老同事將會調走, 所以呀頭好緊張, 驚總部唔知調個乜嘢人嚟接手, 話怕新人接唔上, 會好辛苦喎...

跟住就話要搵某君去做元老嗰份 duty, 並且要她即刻跟元老學佢份 job, 等新人嚟咗之後再調佢做某君嗰份 job 喎, 某君當然話唔想轉位啦, 因為她同元老份 job 一路以來都是 “無啦無能、各自修行...”, 話新人學新 job 會辛苦, 其實她轉位後都係一個新人遮, 亦要全部由頭學起, 唔見得和新人比較會有甚麼分別, 最慘就係佢呀頭要她帶埋新人、教新人做她原先份 job. (某君心諗: 怕新人接唔上, 會好辛苦? 呸! 其實呀頭唔想帶新人、怕自己辛苦就真! 所以搵嘢嚟攪, 調來調去, 來個一石二鳥, 好狡猾!)

大 結 局 係 點?

幾個人坐係會議室, 你一言她一語, 講咗個幾鐘, 旁人睇嚟好似有偈傾、好民主, 其實對某君來講就是疲勞轟炸, 她是做細嘅 small potato, 點有還擊之力呀, 最後都係被人焗住上囉. 真係把幾火、麻鬼煩!

某君見 Boxing Day 起條頸無啦啦扯住痛, 所以第二日 (29.12.2006) 她順勢走去睇醫生, 囉番日 sick leave, 間接表示不滿, 出番啖肚裏氣, 廢事睇佢哋班獅子、老虎、狐狸... 嘅咀臉.

哼! 以大欺細, 係咁壓落嚟, 某君到依家講起重係氣難下... 唯有歎聲 - 有誰共鳴?

. . . . . . . . . . . . . . . . . . . . . . . .

 

有 誰 共 鳴 

主唱:   張國榮       作詞:   小美       作曲:   谷村新司

     抬頭望星空一片靜
     我獨行　夜雨漸停
     無言是此刻的冷靜
     笑問誰　肝膽照應

     風急風也清　告知變幻是無定
     未明是我苦笑卻未停
     不信命　只信雙手去苦拼
     矛盾是無力去暫停
     可會知　我心裡困倦滿腔
     夜闌靜　問有誰共鳴

     從前是天真不冷靜
     愛自由　或會忘形
     明白是得失總有定
     去或留　輕鬆對應

 ＊孤單中顫抖　我知我實在難受
     問誰願意失去了自由
     想退後　心裡知足我擁有
     前去亦全力去尋求
     風也清　晚空中我問句星
     夜闌靜　問有誰共鳴

     重唱　＊

     風也清　晚空中我問句星
     夜闌靜　問有誰共鳴

Link: http://www.1ting.com/player/28/player_51247.html