蘊釀多時的本月大執位, 昨日有進一步消息, 執位行動將會押後, 原因係乜, 我覺得都幾攪笑.
話說我的部門同事 Ms P. 將會調走, 公司會從另一個部門調一名同事過來, 新人加入後, 連帶舊人也要執過位, 重新分配工作, 但當那個同事知道要調過我們的部門後, 立即向他的部門取消調職申請, 原因係乜? 他不鍾意我哋個部門喎!
你的決定我當然理解, 因為我哋部門的崗位是全公司數一數二惡哽的: 工序繁複; 工序一定要跟著 due date/dead line 來辦理; 趕工的時候不可以放假, 若要放大假會更加麻煩, 因無人肯做替工, 皆因每個崗位都是各有各做, 真係你唔識做我的工作, 我亦唔識做你的工作, 好聽的以為個個都是 "獨當一面", 其實箇中苦處, 圍內人全都知道是甚麼一回事, 就以我為例: 幾年來都無放過大假, 最長一次只取了三天假期而已, 曾經有朋友找我去遠程旅行, 我雖然好想去, 但最後也推了, 因為放長假, 公司要我講底工序俾 Team Leader 知, 但這並不是說他會幫我做替工, 他只會做一些十分
urgent 的 case, 只因為 due date 不會因我放假而押後, 迫不得已他才會做喎, 其他工作當然是等我返來做啦, 心諗, 要我返來面對堆積如山的工作, 我寧願不放大假了
. 仲有一次重感冒, 我完全開不到聲, 變成啞巴, 醫生給我兩天病假, 覆疹時醫生再給我兩天病假, 但由於公司的工作撞著一個 dead line, 我只好取消後尾的兩日病假返公司開工, 真係病都無得休息
. 哈! 這趟你真係醒目, 立即縮沙, 恭喜你逃出苦海了.
現時未有人肯調過來, Ms P. 便不會調走, 這是她申請調職後, 第三次食炸糊了, 對上兩次總部話有個位可以調她走, 但呀頭唔肯放人, 之後她便做得不太開心, 後來同呀頭協議, 若總部再有安排, 便要放人, 不經不覺已拖了兩年多. 今回呀頭肯放人, 又輪到對方有變.
Ms P. 暫時走不成, 呀頭當然開心, 而我亦是得益者之一, 因為妳走了之後, 很大機會由我接手妳的工作, 想著這個噁心的安排, 也曾為我加添了一點點壓力
, 但是我又怎可以期望妳永遠也不調走呢! 畢竟妳已面對這份工作六年多, 申請調職亦已有一段時日, 在此僅能祝願妳、我好運, 輕鬆面對即將來臨的新工作
.