早排可能運滯, 連續兩日隻右腳拗柴, 當時都知道大劑, 自此之後果然腳痛不斷, 還要睇專科及做物理治療, 昨晚無啦啦腳痛加劇, 行路都痛到叫救命.
今早打電話回公司請病假, 跟住去咗急症室掛號, 一等便個多小時, 見未輪到自己睇醫生, 便同分流站姑娘講聲要去做物理治療, 做完才返嚟睇醫生.
上樓見物理治療師, 他教我拉筋, 跟住踏單車架, 跟住做超聲波, 物理治療師話我隻腳肘有水朖壓住神經線, 引發筋膜炎 / 筋腱炎, 所以痛, 情況好似劉翔咁喎 (我心諗唔係咁大穫嘛! 劉翔隻腳要做手術架
!), 跟住做埋 15 分鐘冰敷, 便寫紙月尾再去做物理治療, 我問他有沒有捌杖, 他說要自己買, 寫紙過隔離房買, 70 幾蚊支, 但十足呀公、呀婆用嘅款式, 日後返工要見人, $ 唔慳得囉, 於是加 d $ 買支靚小小, 又駛咗 $115.落番急症室差不多 5 點, 同分流站姑娘講聲我返咗嚟, 她又叫我坐底等叫名, 再過多十個、八個病人後便叫我入房睇醫生, 我同醫生講: 隻腳 2 月尾拗柴後一路痛咗好耐, 便把剛才物理治療師講過嘅嘢同佢講: 隻腳肘有水朖... 壓住神經線... 引發筋膜炎 / 筋腱炎... 情況好似劉翔咁... 醫生聽完後便伸手按我隻腳肘, 一按便按中隻腳嘅劇痛部位, 我哽係哎痛啦... 他說劉翔比我嚴重得多 (我心諗: 痛過便知痛, 我隻腳都唔想似劉翔咁慘呀
!) ... 但他沒再解釋點解我拗柴幾個月後仲未好得番! 又沒甚麼跟進建議, 照例開了藥膏、止痛藥、胃藥, 不過今次再加多一包消炎藥, 他寫咗 5 天病假給我 (實質只得兩日病假: 21 佛誕假期、22 星期六、23 星期日, 原本已不用上班), 我要求打針止痛, 可是卻忘記了要向醫生提出照 X光片, 落到藥房攞藥時才醒番起 
, 今次還是算了吧 
! 返屋企後食消炎藥、再攞埋櫃桶支跌打酒擦吓, 雙管齊下.
夠境好唔好 / 需唔需要去睇吓跌打呢?
我好驚跌打師傅會左扭右扭我隻腳, 會唔會傷上加傷架?
