寬頻速度...點計?

日前收到寬頻公司來電, 話我的合約 9 月便到期, 他說舊客戶 upgrade 個 plan, 30 Mbps 只需 $198; 100 Mbps 亦只需 $240, 初時我聽見要加成幾十蚊一個月, 便推說不需要, 因為我唔打 online games, 都唔需要太快速度, 後來講講吓, 個 sales 話 $198 - 30Mbps 簽兩年約便會送半年, 咁又唔同, 再問他有沒有其他優惠及選擇, 他講了一大輪, 最後仍然覺得這個 plan 最抵, 於是約埋師傅換 modem 及駁線.

昨晚師傅上來安裝, 攪咗成粒鐘, 到最後電腦顯示連線速度竟然是 100 Mbps, 我便問師傅我揀個 plan 只是 $198 - 30 Mbps, 不是 $240 - 100 Mbps, 但他說無錯,  30 Mbps 個 plan 最快的速度是會去到 100 Mbps.

唔係嘛? 咁着數! 下個月一定要睇清楚張月結單, 希望到時不會收貴咗啦  .

走寶

 

 

以前一直有追看星期日 8:30 am 亞洲電視 (ATV) <文化風情> 這個節目, 但由於近月工作忙碌, 所以星期日瞓晏咗, 多個星期無睇, 今天 8:30 am 扎醒, 於是開電視看看那節目, 內容介紹廂西土家族、苗族的文化風情, 睇到最後才知道由 3 個星期前, 一連幾集該節目都是介紹廂西的風族文化, 而鳳凰古城在前幾集節目中已播出了, 今天的第 4 集已是尾聲, 唉! 真係走寶.

稍後該節目將會介紹廂西的文化藝術, 我一定會追睇.

到時一定要醒少少... 不要再瞓過時了  . 

這些照片攝於張家界、長沙之旅 (27.102006 - 1.11.2007)

湖南省芙蓉鎮【原名王村】、鳳凰古城

公司又有人走

今天公司又有同事要走, 阿 B 是在去年 2 月才加入我們公司的, 在他未加入之前, 公司正值要節省開支, 他的崗位一直懸空了兩年, 無人頂替, 而那份工作是由我及另一位同事分擔著的, 直至他加入後, 我們才可以捨去這沉重的擔子.

去年初, 香港的就業市場還未有起色, 阿 B 是剛大學畢業不久的學生, 工作經驗不足, 雖然他知道我們公司出的薪酬略低於市場, 但他在沒有太多選擇的情況下, 仍然加入了我們的公司工作, 但今年經濟好轉, 外面很多公司都請人, 他便決定轉工了.

聽他說, 本來上月己經找到一份新工作, 但由於他和我們公司簽了約, 要一個月通知期結束後才可以過檔, 所以那公司沒有等他, 他一氣之下, 便決定立即向公司遞紙辭職, 因為他有信心短期內必定可以再找到另外一份新工作, 以免到時又為了一個月的通知期再錯失良機.

阿 B: 有理想、有目標是好的  , 既然外面的世界充滿著機會, 在此祝願你很快便可以找到理想中的工作!

國寶熊貓

第一次看熊貓, 是在日本的上野動物園裡, 那時年紀小, 也不知道熊貓是稀有瀕臨絕種動物, 也不知道他是中國的國寶, 所以沒有對他留下任何特別深刻印象.
 昨晚睇電視, 節目介紹了香港海洋公園 (Ocean Park) 的兩對寵兒 -  熊貓: 盈盈、樂樂及安安、佳佳. 現時全球大約只有 1600 隻熊貓, 而香港海洋公園竟然有四隻, 勁呀  ! 貴為國寶, 熊貓一直享有超級貼身的專人照料, 真是好食好住, 萬千寵愛在一身.
自從 26.4.2007 盈盈、樂樂由四川臥龍遷居香港後, 報導他們的花絮此起彼落, 有如當紅大明星, 經過兩個多月後, 看來他們已適應香港的生活環境, 非常健康活潑, 逗人喜愛, 真估不到他們身軀肥重, 爬起樹來會如此敏捷  . 雖然安安、佳佳已來港多年, 但每次去海洋公園都碰著熊貓館關閉, 總是和他們緣慳一面, 希望下次去海洋公園時, 可以同時見到四隻熊貓吧!
 雖然暫時未能抽空去海洋公園探望兩對國寶熊貓, 不過家裡也有一些熊貓擺設, 同樣非常可愛, 今天一於帶他們上網見見大家, 打個招呼  .

和 盈 盈、樂 樂 及 安 安、佳 佳 一 樣, 竹 枝 是 他 們 的 最 愛 食 物.

我 們 都 有 玩 具

不 愁 寂 寞

湖南張家界

平時看電視, 除了睇新聞報導外, 也會留意一些旅遊節目, 剛剛知道明晚 9:00 p.m., 亞洲電視台 (ATV) 播出的 "從香港出發", 將會介紹湖南張家界.

回想去年秋天我去 張家界 玩, 曾在當地超市買了一套 2 隻的【張家界四季精粹】DVD (人民幣 25 元); 而最後一天行程結束, 乘車出機場時,  導遊小姐極力推薦另一套 4 隻的 【張家界風光風韻風情】VCD  (人民幣 48 元), 說是張家界遊遊局特別推薦的, 保證不是翻版碟, 心諗如果是正版, 質素應該不會太差, 見唔算好貴, 所以又買了一套, 不過返港後, 發覺兩套效果都是麻麻地, 播至中段還會出現格仔, 真係吹漲!

DVD 正面

DVD 背面

                           VCD 正面                                                     


VCD 背面

   

反而今次從 ATV 的預告片段來看, 他們拍得蠻不錯, 其他 Blog 友如果計劃去張家界玩, 不防留意明晚該節目, 先睹為快; 若然已去過張家界, 也可以當作回味重溫, 相信在不同季節時段去遊張家界, 又會是另一種體會.

如果錄影它, 日後還可以翻睇添  .