戊子鼠年六少爺生日

今天是六少爺生日, 我不用上班, 於是一早過了去和他慶祝!

切生日蛋糕啦

這三件衫是年尾月下貨揀的

一百蚊三件

着住一齊影相都幾好玩  

乜 d  雞蛋無染紅色嘅

換個橙係前面好似靚 d...d

Anyway

祝你生日快樂! Happy Birthday!

食完生日蛋糕後, 細佬便返工.

晚飯時細佬仲未收工, 我哋自己食.

聽說細佬明天想再出去食餐勁!

但... 他好似仲未諗到去邊間食喎?!

新年禮物

今晚去細佬屋企食飯, 他說昨日公司新春大抽獎, 他抽中 14.2.2008 李克勤 <你的克勤演奏廳> $480 演唱會門票兩張, 不過他說情人節唔得閒睇喎, 把他的新年禮物轉送給我, 正!

 多 謝 細 佬

六少爺生日

明天是我家六少爺壽辰, 不過各人都要上班, 所以提早今日和他慶祝!

細佬, 在此祝你生日快樂!

明天, 你自己和朋友慶祝啦!

 

彌月之喜

弟弟滿月嘅大日子, 當然要賀一賀佢啦, 爸媽由朋友介紹, 找來兩位到會廚師, 大約三點過後, 廚師和他的助手便來到家中, 開始動手準備“盛宴”.

當天爸媽很開心, 忙著替當晚的主角 (六少爺) 裝身, 跟著輪到我們幾兄弟姊妹, 最後便裝扮自己. 不多久, 親友先後來到家中, 恭賀爸媽弄璋之喜之聲, 此起彼落.

當晚嘅六少爺, 可能知道萬千寵愛在一身, 又可能想吸引親友嘅注意, 表現得特別乖巧精靈, 活潑可愛, 搶盡風頭...

紅雞蛋豬腳薑

媽媽和弟弟從留產所回家後, 媽媽煲了很多好好味嘅紅雞蛋、豬腳薑派街坊及親友, 我和幾位姐姐哥哥, 當然不會放過近廚嘅機會, 吃了很多很多... (還有一些是嚫媽媽唔知道時偷吃的  )

誕生周記

兒童的記憶力會在幾時開始呢  ?
 我自己對兒時的印象很模糊, 是大咗唔記得? 抑或是那時的記憶系統還未成熟,

而影響咗記憶力呢

我想了又想, 想了又想...

 

一幕幕兒時的記憶便浮現眼前...

 

話說在19xx 年x月x日的一個深夜, 我還是很小很小的時候, 我獨個兒坐在家裏的大門口, 看著媽媽踏著緩慢的步伐, 走向長長的走廊另一盡頭, 拍了幾吓門, 跟著和屋內的人交談了一會兒, 隨後便踏著緩慢的步伐回家.

幾日後, 我發覺媽媽整天都不在家... (不知她去了那裏?)

 

晚上爸爸抱著我, 上了一部巴士...(不知要往那裏去?)

 

下車後, 走了幾分鐘路程, 看見有一小販擺賣零食, 爸爸便買了一包甜甜的脆皮花生哄我吃...
他繼續向前走著, 來到一間地舖, 走了入內, 裏面有很多張床, 床上有些女人, 有些躺下來, 有些坐著, 又有很多人在附近來來回回走動, 突然看見媽媽的面孔, 出現在其中的一張床上, 她正躺著, 床邊有一張很小的床, 裏面傳出陣陣的哭叫聲, 原來我家的六少爺已來到世上, 當爸爸抱起他給我看時, 嚇了我一跳, 只覺得六少爺的膚色很黑 (因遲了兩天出世), 面孔怪怪的, 眼睛緊閉著, 我連忙調轉頭不再望他...

兩日後, 發覺爸媽抱著這個 “怪物” 回家, 他的膚色雖然無前天的難看, 但還是哭個不停, 並且握著拳頭, 撐手撐腳 (好似想打人咁款?), 立即吸引著我們幾兄弟姊妹的注意...

這就是我腦海中最早...最難忙...最甜美的回憶...