遲來的秋遊

每年去旅行都喜歡選擇秋季, 但今年遲了攞假, 令出發日期已踏入早冬季節, 一向怕凍的我, 報團時唯有避開那些較北的地方.

 1 st choice: 越南

本來考慮越南, 但旅行社職員話有很多長途車, 同行友伴又唔喜歡坐長途車, 越南只好留待日後有機會時再去吧!

2 nd choice: 韓國

雖然前兩年都去過韓國, 本來我唔介意今年再去韓國, 因團費及使用在預算之內, 團餐一般都 OK,  環境又比較清潔, 但睇過行程後, 同行友伴又話景點來來去去都差不多, 購物點又多, 他們又不讚成.

3 rd choice: ???

同行人士建議去日本, 本來我怕凍無唸過冬天去日本, 他們提議可以去九州, 因天氣會比北海道及本州暖, 而且南方仲有機會睇到紅葉, 雖然有一位友伴幾年前去過, 但她不反對再去九州, 只要唔好揀樂園團便可以了, 經過一輪研究多間旅行社的多個團號行程, 最終揀了一個南北九州睇紅葉團.

日本團, 在我眼內一向都是大出血團: 和牛, 魚生, 壽司, 拉麵... 各款美食等緊我哋; 再加上各式各樣的精緻手信禮品, 今次團費及使用肯定會超出了原先的 Budget, 不過使咗又可以搵番啫, 此時此刻, 要好好享受那未出發先興奮的感覺!

 

一波多折之搬 blog 記

自從 8 月底 Yahoo 宣佈摺 blog, 為了搬 blog 真係攪餐矇, 幾經辛苦表面上好似已經成功咗, 其實暗地裡還有很多問題未解決.

搬 blog 時曾遇到的難題:

1) Yahoo blog 第 1 次下載失敗, 要寫 email 去 Yahoo, 要求他們再下載新檔案給我.

2) 第 1 次把文章匯入 blogspot, 見到有齊 500 多篇舊網誌, 以為成功啦, 但當我睇番以前的留言, 才發覺出現了一個很大的問題, 就係無啦啦留言全部匯入咗舊網文中,  還把網友名稱轉晒做網友的 email address, 全部 show 晒出嚟, 大穫! 容乜易連累 blog 友們的 email 被炸, 急忙收回所有公佈了的文章.

3) 上載三千多張圖片去 Google Drive, 試了幾次 (幾日) 才全部成功.

4) 第 2 次把文章匯入 blogspot, 雖然 blog 友的留言名稱更正番, 但有些留言消失了?

5) 文章只能匯入 300 百多篇, 後來嘗試了多次仍是得 200 / 300 篇出現, 問題在那?

6) 原本 5 位數字嘅總瀏覽量減少了一大截?

7) Set 回應欄位, 嘗試多次仍然 show 唔到出嚟?

不知何時才可以把全部 500 多篇舊網誌文章成功匯到這裡? 極之頭痕哦! 現正密密往 blog 友們的網誌中取經, 希望盡快找到解決方法, 能成功發佈全部舊網誌文章吧.

十分佩服其他 blog 友們能快速地成功搬 blog! 謝謝他們無私地提供搬 blog 貼士!

 

宇宙粒子@blogspot, 正式開張!

來到新環境寫 Blog, 要從新適應, 版面設計要花些時間了解, 希望可以快些上手吧!

此網誌日後將會不斷更新.

歡迎新舊 Blog 友到來探訪及留言.

開 Yahoo Blog 時的煩懼終於來臨: Yahoo 摺 Blog ! 快快搬家!

Yahoo Blog 關閉, 所以過來開新 blog, 希望可以 keep 番以前的 blog 友啦.

自從 2006 開了 Yahoo Blog 後, 間中便會有些疑問在腦海中出現, 免費嘅平台是否信得過呢? 咁多人開 Blog, 是否到了某一天, Yahoo 個 server 也會承受唔到呢?  Yahoo 也不會無止境地增加投資吧! 最終嘅解決辦法是否會摺 Blog 呢? 如果 Yahoo Blog 關閉, 那麼我的心血便會化為污有了!

今天看頭條日報, 才知道當初的疑慮終於來到了! Yahoo Blog 已宣佈年底摺 Blog!

當然, 幾年來一直都是吃免費午餐, 別人要停止再供給, 我們是不能說 " 不 " 的! 就算是幾唔願意, 都要接受現實!

以前曾諗過開個大陸 Blog, 如微博... Sina... 等做備份, 但為了保護靈魂之窗: 雙目, 最後都無實行.

現在才搬 blog, 咁大工程, 我都唔知自已可唔可以辦到.

剛剛才知 Yahoo 有個 tumblr 平台, 不過要用英文操作, 講真呀, 應該唔太適合大部分唐人囉, 況且真係驚唔知幾多年後, Yahoo 又宣佈把 tumblr 摺埋呢! 

請問 Blog 友們有沒有其它搬 blog 推介? 不知那些博客, 裡面同樣有公開及私有網誌的功能選擇呢?

在未熟習在新地方寫 Blog 前, 舊 Blog 友可以用以下平台來保持聯絡:

http://gblog092013.blogspot.hk/   or;

http://blog.sina.com.cn/u/3762727905   新浪博客   or;

http://weibo.com/u/3762727905?wvr=5&&   新浪微博   or;

http://t.hk.qq.com/index.php/u/qblog092013   騰訊微博

期盼有緣再聚!

8 號波, 無啦啦半天假!

瞓醒才知凌晨 01:40 開始掛 8 號波 (尤特), 個風來得很快啊!

於是乎再瞓過, 直至 13:40 才改掛3 號風球, 足足掛了 12 小時,

下午又要返工, 14:20 出門口, 15:05 返到公司, 發覺大部份同事已開緊工囉  , 香港人, 真係太勤力了!

年廿九送龍迎蛇

年廿九星期六, 不用上班, 可以輕輕鬆鬆送龍迎蛇.

今日天氣比昨天好, 晚上再看看心情, 可能會去行花市趁熱鬧.

後記: 最後還是沒有行動, 在家安安靜靜渡過大除夕.