遲來的秋遊

每年去旅行都喜歡選擇秋季, 但今年遲了攞假, 令出發日期已踏入早冬季節, 一向怕凍的我, 報團時唯有避開那些較北的地方.

 1 st choice: 越南

本來考慮越南, 但旅行社職員話有很多長途車, 同行友伴又唔喜歡坐長途車, 越南只好留待日後有機會時再去吧!

2 nd choice: 韓國

雖然前兩年都去過韓國, 本來我唔介意今年再去韓國, 因團費及使用在預算之內, 團餐一般都 OK,  環境又比較清潔, 但睇過行程後, 同行友伴又話景點來來去去都差不多, 購物點又多, 他們又不讚成.

3 rd choice: ???

同行人士建議去日本, 本來我怕凍無唸過冬天去日本, 他們提議可以去九州, 因天氣會比北海道及本州暖, 而且南方仲有機會睇到紅葉, 雖然有一位友伴幾年前去過, 但她不反對再去九州, 只要唔好揀樂園團便可以了, 經過一輪研究多間旅行社的多個團號行程, 最終揀了一個南北九州睇紅葉團.

日本團, 在我眼內一向都是大出血團: 和牛, 魚生, 壽司, 拉麵... 各款美食等緊我哋; 再加上各式各樣的精緻手信禮品, 今次團費及使用肯定會超出了原先的 Budget, 不過使咗又可以搵番啫, 此時此刻, 要好好享受那未出發先興奮的感覺!