宇宙粒子@blogspot: 3月 2007

星期五, 3月 30, 2007

睇醫生

唔舒服咗幾日, 晚上又瞓得唔好, 時不時咳醒, 今日便去了睇醫生, 坐係道等睇醫生嘅時候, 便諗吓要講 D 乜嘢病徵俾醫生知, 等他可以對症下藥, 並提醒自己要叫醫生開三日藥, 點知入了房睇醫生時, 還是矇吓矇吓, 只掛住講病徵同埋要求打針, 唔記得咗叫醫生開三日藥, 好彩過了隔離房等姑娘幫我打針時記番起, 拿拿林同姑娘講番要攞三日藥

. 嘩! 好彩未俾錢取藥啫, 雖然遲咗 D , 總算嚟得切

到了攞藥時, 姑娘問我張單會唔會 claim 錢, 我又再一次矇吓矇吓, 隨口答佢: 會呀! 其實我睇呢個醫生是無得向公司 claim 錢 ga

(因為公司醫生離屋企比較遠, 所以我唔係咁鍾意去睇佢, 多數會係屋企附近睇醫生算了). 姑娘見我話要 claim 錢, 便叫我再等一下, 她說收據已寫好取兩日藥的價錢, 所以要開過張取三日藥嘅收據俾醫生簽名, 攪咗一陣, 到俾錢時, 我發覺價錢比另一個病人 (取同樣藥) 貴了十蚊, 唔知點解呢

? 莫非改收據要收手續費? 抑或係講咗可以 claim 錢, 所以要收貴 D

星期三, 3月 28, 2007

忙 + 作病

近來公司真的很忙, 除了要加班外, 昨晚放工還要帶一小部份工作回家處理, 攪到兩點才睡.
可能近半個月以來睡眠不足, 令到抵抗力差咗, 前晚開始喉嚨有些唔舒服~~~ 痕痕哋、有些少咳、非常疲倦; 今日在公司還頭重重~~~好似感冒的先兆. 唉! 千期唔好 D 個時候病呀

, 而家真係病都無時間休息 ga...

雖然如此, 其實我每日都有去 Blog 友的網誌看看, 也知道你們的近況, 可惜無法逐一寫回應及留言, 暫時隱了形, 非常抱歉, 待我過了這個非常忙碌的時期後, 我一定會再在你們的 Blog 中: 回應、留言、吹水、講是講非~~~ hahaha

.

又係時候處理一下從公司帶回來的工作, 希望今晚兩點前有得瞓啦

曾特首呢句說話已成為我近日工作的原動力

努力加油

我會做好呢份工

get the job done!

y e a h

星期日, 3月 25, 2007

六少爺生日

明天是我家六少爺壽辰, 不過各人都要上班, 所以提早今日和他慶祝!

細佬, 在此祝你生日快樂!

明天, 你自己和朋友慶祝啦!

變身為 Canon BLOG

三個月前買了一部新相機, 有一千萬像素, 所以拍下來的相片 size 大了很多, 往往都超出 2 MB 範圍, 必須事先逐一把相片轉細 size 後, 才可放入 Yahoo! BLOG 中, 十分麻煩, 今日忍無可忍, 決定把這個 Blog 變身為 Canon BLOG , 因為 Canon BLOG 容許: -
原照片上載及分享，可上載每張高達 6MB 的照片。

以後便可省回 resize 相片的時間, 真的很方便.

星期一, 3月 19, 2007

南非木材灣乘觀光船

從南非木材灣 (Hout Bay) 乘觀光船往海豹島 (Seal Island)

登船前的碼頭表演活動

請多多打賞 $$$

(設計對白)

雖然我不在現場, 但淨睇相都知沿途風景超... 靚, 特別是那藍天白雲

香港好耐都見唔到咁藍嘅天空啦

(相片無加過任何特別效果, 100 % 保證原汁原味! )

星期日, 3月 18, 2007

小時候, 爸媽經常帶我們幾兄弟姊妹去動植物公園、荔園遊樂場和啟德遊樂場看動物, 記得那時隔著鐵絲網睇獅子, 一 D 都唔識驚, 有時聽見獅子叫, 還會跟它們鬥大聲, 若果看見獅子張牙舞爪, 還會睇得更加興奮、更加雀躍, 但今次看著三哥從南非獅子園 (Lion Park) 拍回來的照片, 他和團友走進幼獅培育區內拍攝, 在零距離接觸下, 發覺各人都是步步為營, 膽戰心驚, 惟恐會變為幼獅的下午茶點呢

幼獅... 幼獅, 雖然你地唔聲唔聲, 個樣都嚇得吓人喎, 真不慚是萬獸之王!

星期五, 3月 16, 2007

加班

近日公司開始要求我哋 OT, 昨晚有幾位同事已率先投入 OT 地獄谷裡面, 不過我手上的工作量, 容許我可以遅一晚才開始博殺, 所以我昨晚收工後便閃人, 返屋企看電視直播曾蔭權、梁家傑的特首選舉答問大會, 到今晚才正式加入 OT 軍團...

... ... 奇怪! 足足做咗十多個鐘, 雙眼差點撐唔開, 但個腦入面仍然係咁轉, 還未想停下來呢, 莫非近來常常見到參選的曾特首, 也感染了他的拼博精神, 收工後也想著他那句上位名言 - 我會做好呢份工! get the job done!