韓國雪嶽山之旅 Day 4 - Part 1: snapshoot @ 昆池岩 Konjiam Resort

晨早起身, 天還未全亮.



房間景觀, 面向內園瀑布.





由於食完早餐後便要去首爾, 今天無時間慢慢晨運了.

攞埋行李落大堂, 然後去餐廳食早餐.

 

自助餐, 款式多, 糕點尤其好味, 十分鬆軟. 可惜 5 個人 10 隻手, 無人攞相機拍照 .

 

食完早餐出來, 差不多時間要上車, 眼見附近的通道有很多紅葉, 只好玩快拍.

餐廳門外.

昆池岩 Konjiam Resort 渡假村內另一組大樓.

 

  

渡假村模型, 後山嘅滑雪道都幾近, 左邊係 golf 場.

渡假村範圍應該好大, 可惜我哋趕著離開, 無時間周圍行  .

(尚有其餘相片放相簿)

(遊記待續)

 

韓國雪嶽山之旅 Day 3 - Part 3: 晚宿昆池岩 Konjiam Resort

離開雪嶽山後, 便向首爾進發, 行程表原先安排入住首爾的酒店, 但因酒店爆滿, 改住市郊的昆池岩 Konjiam Resort.

今晚晚餐自理, 所以直接去酒店, 到達酒店時已天黑.

上房後發覺其中一間雙人房門鎖壞了, 通知領隊換房.

換房前.



換房後... 原來係另一個色調.






首次入住的酒店房設有三個分類垃圾箱, 韓國真環保.



今晚係 5 日行程中, 唯一一晚可以入住三人房, 落地玻璃窗連露台, 曲呎 L 形 5 人大梳化.

有個大廚房連廚具, 4 人餐桌.

花灑浴 & 電子坐廁.



左邊係韓式地蓆間; 右邊係主人套房.



套房中設有雙人床, 掛牆大電視, 洗手盆 + 電子坐廁.



為了換房而攪了一輪, 差不多 8 點才去搵野食, 周圍行了一陣子, 食肆不多, 無乜心水, 於是乎去超市買飲品 + 小食, 返房煲滾水淥杯麵, 簡簡單單一餐也不錯!



韓國嘅渡假式酒店, 真係好有家庭 feel, I like it!

(尚有其餘相片放相簿)

(遊記待續)

(Remark: 人像經過特效修飾, 真面目如何? 煩請 Blog 友自己想像  )

韓國雪嶽山之旅 Day 3 - Part 2: 雪嶽山、新興寺、統一大佛

食完午飯, 去行雪嶽山, 導遊說真正行呢個山, 上下山來回要 8 小時, 我哋班鴨仔團, 當然唔會上山啦, 咪行吓雪嶽山國立公園 Seoraksan National Park 囉.

洗心橋.



個公園有好多紅葉, 好靚呀! 有好多韓國人都嚟呢處賞紅葉.

入口座標, 好多人爭住同隻熊影相.






山腳的新興寺.



咁多阿朱媽, 有些懷疑自己係唔係處身於雪嶽山?



山腳的統一大佛, 導遊好似講過這是韓國最大的一座户外銅像, 但仍不及大嶼山大佛那麼大.

其實遊雪嶽山, 最理想係在雪嶽山搵間酒店過一夜, 再慢慢行.

 

神奇水喉. 

登山吊車售票處.



考考 Blog 友眼力, 圖中有兩架登山吊車, 正一上一落.

 (尚有其餘相片放相簿)

(遊記待續)

(Remark: 人像經過特效修飾, 真面目如何? 煩請 Blog 友自己想像  )