韓國雪嶽山之旅 Day 1 - Part 3: High 1 Resort - Kangwon Land Convention Hotel

離開愛寶繽紛夢幻樂園, 便去食晚飯.

無錯, 係5 點多鐘便食晚飯, 因為食完飯要坐個多小時車去山區嘅酒店.

第一餐飯食鐵鍋排骨飯, 4 人一鍋, 除了一大鍋飯外, 還有多碟配菜小食, 泡菜當然不會缺少. 



食完飯便去隔離嘅 Family Mart  超市買零食, 因為酒店係山區, 夜市欠奉!

行程表中大大隻字標榜獨家入住江原道雪嶽山 High 1 Resort - Kangwon Land Convention Hotel, 看來這是賣點之一.
 我哋入住那一座剛剛落成一個多月, 好新, 好先進, 如果唔記得住那一層, 在電梯內可以拍門匙咭上樓.



上到房真係嘩嘩聲, 裝修佈置新淨, 張床係 King Size.



浴室除了花灑淋浴外, 還有一個外露式環型大浴缸、電子坐廁.

單是沐浴露分別提供了淋浴及浸浴的 bath foam  & bath salts, 任君選擇.

 

放好行李便落酒店樓下散步, 這座便是入住的 Convention Hotel 外貌.



下圖 1: Convention Hotel 旁邊的舊大樓, 夜景都好靚.

下圖 2: 酒店花園的牌樓.


酒店還有 Cinema、賭場 ... ,

導遊話 High 1 Resort  最賺錢的部分就是賭場,  佔 9 成收益.

位於酒店大堂某一角落的模型擺設, 人物造型可愛, 我們影了很多相.
當時有一位韓國男仕, 見我哋咁欣賞 d 公仔, 影得咁開心, 他曾經多次望住我哋, 仲 e 起棚牙笑添  .

 

散完步返房宵夜, 飲好好味嘅香蕉奶.

每房送 4 支水, 其餘當然要俾錢.



酒店新開張贈品.

可能坐零晨機太疲倦的關係, 這晚睡得特別好  .

(尚有其餘相片放相簿)

(遊記待續)

(Remark: 人像經過特效修飾, 真面目如何? 煩請 Blog 友自己想像  )