韓國雪嶽山五天之旅出發篇

韓國團大多數都是零晨機, 所以報了明天團, 今晚便要出發去機場.
預咗係飛機上會瞓唔到, 所以索性攞埋今日假, 瞓多兩、叁個鐘才起身.
17:00 拖埋行李喼去姐姐屋企坐吓, 幾姊弟食過晚飯後, 帶齊彈藥, 20:00  左右便出發去機場.


帶住百多萬上路, 還是第一次

22:00 去到機場, 會合二姊便向領隊報到, 坐一陣, 買了兩包小食, 影吓相便可登機, 完全無逛過其他店舖  .

航班準時 00:30 起飛.
 

在高空上, 機外氣溫曾跌至 - 48 ^O C.

過了濟洲島, 很快便到達仁川機場. 


航班於當地時間 04: 45 降落.

 

攞齊行李, 時間尚早, 領隊叫我們在機場內先吃點東西, 1 小時後再集合出發入市區.
時差關係, 立即動手把手錶撥快1 小時.
我哋食完飛機餐仲未肚餓, 於是不去搵嘢食, 一於行出機場大樓, 感受一吓室外嘅氣溫, 果然涼風陣陣, 可能只得七、八度, 需要立即開行李喼攞衫加衣 .
(後續)