是悲還是喜?

星期日下午, 突然間喉嚨痛, 跟住幾日都唔舒服, 拖到星期三去睇醫生, 食咗藥, 喉嚨唔痛, 但成個人飄飄然...

今天, 公司有一個呀頭無做啦...

今天, 公司出了通告請人, 請人開正我嗰瓣, 遲吓會更多嘢做, 悲也!

而這個 post 我都想試吓申請, 以前我都申請過一次, 仲成功咗添, 不過那時人工低, 所以最後都無轉過去做, 而今次人工加咗, 值得重新考慮! 我已經第一時間攞咗申請表, 但今日在公司鬼咁忙, 無時間填 form!

一向對事業沒太大野心的我, 安於現狀已有一段日子, 實在太耐無搵過新工, 所以現在心情好複雜...

唔轉工... 唔通就咁一直做到退休?

轉工... 太多新挑戰... 是悲還是喜? 未知之數!

不過我明白打鐵趁熱, 希望星期六、日能正正經經坐低填咗張 form, 不然攤凍咗, 恐怕便會不了了之.

... 有人辭官歸故里, 有人漏夜趕科場...

是悲還是喜? 一於交咗張 form 先... 遲吓再諗!

買套票去澳門

Lunch hour 閃去中旅社買 2  set 套票 + 船票去澳門,

@HK $1182  x 2 套票, 包來回船票 x 4 套 + 酒店房 x 2 間 + 早餐 x 4 位 + 小食卷 x 4 份 + 餅店的手信領取卷 x 2 份,

另外 @HK $310 來回船票 x 2 套,

明早出發!  

志蓮淨苑

行完南蓮園池, 順道過隔鄰的志蓮淨苑 (Chi Lin Nunnery) 一遊,

志蓮淨苑開放接近十年, 管理還算不錯, 沒太殘舊的感覺.

 

古樸的建築, 綴以充滿生氣的荷花池, 一絕!
適逢荷花綻放, 有幸拍了一輯荷花照:

拍攝時, 看見很多荷花仍是含苞待放, 相信花期仍有一段時間, 各位拍友想影荷花便要趁機!

影呀影... 不知不覺, 太陽要下山了!

閒遊兩地, 志蓮淨苑比較清幽淡雅, 觀賞著蓮苑中的荷花, 的確可以使人暫放下心中的煩躁; 而南蓮園池則比較堆砌, 貼金的圓滿閣... 大量的羅漢松伴以各形各色的石頭擺設... 加上圍欄又多... 遊人止步的告示又多, 閒逛其中, 總覺有少許絆住!

 

南蓮園池

2006 年 11月南蓮園池 (Nan Lian Garden) 正式開放後曾去過一次, 影了一些相, 但一直沒放過上 Blog, 今天舊地重遊, 又影了一批新相, 影咗唔好嘥, 實行放上 Blog, 一再欣賞... 遲咗恐怕又會石沈大海!

南蓮園池入口處

圓滿閣 (Perfection Pavillion) & 蓮池 (Lotus Pond)

圓滿閣貼滿金箔, 金光閃閃, 非常耀眼,

... 可惜走了一圈蓮池, 也見不到一朵蓮花?!

園內種了很多值錢的羅漢松 (Buddhist Pine), 亦放了很多一舊舊大石頭作陪襯, 形態各異!

盆景園 (Penjing (Bonsai) Garden)

而石館 (The Rockery) 裡面展示一批來自廣西的大化石, 其中幾件較細小的, 容許遊客閒坐其上, 感覺涼快!

配合園內的木系建築風格, 廢物回收箱也是木製的.

口渴時, 可往松茶榭 (Song Cha Xie) 品茶.

魚池有很多錦鋰, 但不准遊人餵飼  !

肚餓可在此醫肚, 品嚐素齋.

南蓮園池面積不太大, 行一陣便行完, 既然用咗唔少交通費, 一於行埋隔離的志蓮淨苑 (Chi Lin Nunnery) 先返歸  !

下續... 志蓮淨苑

重九

重九登高,

10月7日 (星期二)  

  

 

   23 ^oC   81%

秋高氣爽, 天氣不錯!

還君明珠

去年看了一套 aTV 的國內電視劇 - 梁山伯與祝英台, 便開始留意董潔.

今年, aTV 再播她主演的另一套電視劇 - 還君明珠.

逢星期一至五 8:00 pm - 9:00 pm ＜粵、國語麗音廣播＞ 中文字幕 

金明珠 (董洁飾)

父親金載岳是清朝貝勒爺，生母何繡容是姨太太，在家裡地位不高，自私享樂的父親，毫無負責任感。任由母女倆，老被大娘-瓜氏凌虐。尤其在家道沒落，明珠遭受悲慘的命運折磨，她的堅毅、勇敢，讓林志文與秦天寶都愛上她。