MP4 轉檔

昨天假期, 便趁空整理三哥的南非旅遊相片及 Video, 原先想使用用開的 Windows Movie Maker 執執他的 Video 後, 便可放上 YouTube, 誰不知原來他部攝錄機把所拍的 Video 儲存為 MP4 檔案格式, 當我把那些 MP4 檔匯入 Windows Movie Maker 作編輯嘅時候, 它竟然鬧: MP4 不是支援的檔案類型, 因此不能匯入作編輯。吓! 咁點算呢...? 其實 MP4 係乜格式我唔知 ga, 心諗唔係一般攝錄機都用同一個格式咩? 點解他那部會唔同我嗰部 ge, 咁麻煩 ga, %#Y&@*Z...

坐咗一陣, 又諗咗一陣, 心諗唯一解決方法就是先把它們轉檔, 但我部 PC 是無裝轉檔軟件的, 我亦未學過轉檔軟件的用法, 唯有立即上網搵答案, 左 click 右 click 周圍睇, 發現了一個免費軟件叫 ExtraPlayer,  除了可以轉檔外, 還附帶一些剪輯功能, 所以便揀咗它來下載, 不過下載後, 發覺用唔到佢嘅轉檔 function,   它要求先安裝相關的影音解碼器. 唉! 乜嘢係相關影音解碼器呢? 我真係唔知喎, 乜你這個 software 唔係一條龍服務有埋咩. 唉! 用唔到都無辦法, 所以又再次左 click 右 click 周圍搵解碼器, 但 D 軟件名都未見過嘅, 又唔知那一個可配合 ExtraPlayer 使用,  最後唯有盲樁樁, 求其揀咗兩個似樣嘅軟件下載: Windows Media Components, XP Codec Pack.

好彩最後都可以成功轉檔, 不過是那一個解碼器幫咗我就天知道了  .

人日禮物

今天人日, 首先恭祝大家生日快樂 !      
今天對三哥來說, 他收了一份很特別的生日禮物, 是一個南非八天豪華團, 咁重手當然唔會係我送啦  , 送禮者是他的 Boss, 因為他公司每年都會獎勵優秀員工, 而他有幸成為今年得獎者之一, 他選擇在人日出發, 順水推舟, 辜且把它視作為一份很豪的生日禮物吧!

剛剛他來電告知已出發往機場, 我除了祝他人日快樂 & 旅途愉快外, 當然把握最後機會, 叮囑他買手信給我... 唔知他今次免費旅遊, 買回來的手信會唔會特別豪呢? 南非鮑魚... 南非鑽石...? Haha, 等我發吓夢先...

泰國飯焦

三哥昨天從泰國回來, 今日去了媽媽家裏吃飯, 他買了好好味的手信回來「茉莉飯焦」. 泰國飯焦有很多牌子, 質素很參差, 其中只有幾個牌子會好食, 茉莉飯焦是其一, 他每次去泰國都會揀這個牌子買.

他說泰國曼谷的機場已很殘舊, 新機場預計月尾 (28-9-2006) 便會開幕啟用, 那時機場又會有一個全新面貌了.