海洋公園真係好大, 又多野睇, 1 日絕對玩唔晒全部, 怪不得他慶祝 30 周年後嘅今日, 仍有咁多捧場客, 並且揮低對手老鼠樂園, 成為全港最受歡迎的主題公園.
海洋公園之成功, 可接受的入場費應是主要原因之一, 不過他們又豈會輕易放過遊客呢? 入場後, 其他消費項目才會令你真正 "大出血"!
醫肚
在園內玩一日, 醫肚便要幫襯他們的專利店, 我們對飲食要求不高, 所以行到邊食到邊就是了, 午間路過一間不知名的店, 便買了雞餐醫肚: 2件雞翼/雞肉+薯條+可樂, 每份 $40, 價錢比出面的肯得雞貴是可以理解的, 最衰係貴得嚟唔好食, 包住雞翼/雞肉的粉漿仲多過雞肉, 真係好誇張
! 除此之外, 杯汽水仲慘被人整估, 原先所有汽水 order 走冰, 飲飲吓, 我便發覺杯可樂好唔對路: 全無可樂味
、 淡過鬼! 打開膠蓋一看, 十分淡色, 懷疑是溝了好多水.
拍照櫃位
園內設有很多拍照櫃位, 例如我們進入水母館時, 在入口處便有工作人員安排拍照, 看完水母後, 行去櫃位睇相, 問問收費, 果然是昂貴的專營價目
, 但同伴話張相影得幾靚喎, 結果同款式一套五張: 8R(1) & 2R(4), 盛惠 120 大元.
精品店
園內還有很多精品店, 慢慢睇應該會揀到心頭好, 但好彩無時間行, 路過時只拍了幾張照片及買了一個熊貓襟針留念 $ 39.
總括來說, 入閘後, 發覺園內有不少變動, 以前的水上樂園早已煙消雲散
、集古村亦已名存實亡, 只剩下間酒樓; 換來的是其他新項目, 很有新鮮感
.
單從海洋公園的門票收費來看, 我覺得絕對合理, 場內實在有很多設施項目, 真係有排睇、 有排玩, 我們亦持住有金咭, 所以慢慢行, 慢慢看, 行了全日只行了 1/3 個場, 玩得很輕鬆寫意, 換轉是有些遊客, 走晒全場, 能看多些場館及玩多些遊戲, 再配合自制能力: "忍得口、忍得手", 相信票價會更加物有所值!
其實我們還有好多場館未去; 亦沒看到剛剛從國內遷入海洋公園的最新住客 - 5 條中華鱘; 亦有好多機動遊戲未玩, 不過冇有怕, 手持金咭, 不日又可以再重遊
!
PS: 聽說中華鱘是很珍貴的品種, 屬於「國寶」級動物, 國內 <中國全國水生野生動物保護分會> 為了 2008 奧運會, 特別送給香港作禮物, 原本 5 條是象徵著奧運五環, 可惜 6月20日首次在海洋公園亮相後, 短短 3 日, 最細 1 條第 5 號中華鱘慘被海洋館中的舊住客海狼咬死, 真係好可惜! 為免餘下 4 條中華鱘再受襲擊, 園方已把他們暫時隔離飼養, 不知那天才再會公開亮相?
.
