宇宙粒子@blogspot: 2月 2009

星期三, 2月 25, 2009

黃石燒烤

自從初七人日去了西貢黃石家樂徑 (Sai Kung Wong Shek Family Walk) 行山後, 一直想去黃石燒烤, 今日終於成事, 去到黃石燒烤場, 岸邊只有一爐火, 我們選擇在他們旁邊起爐, 但起爐不太順利, 四粒炭精用了三粒, 還沒燒紅炭堆, 到剩下最後一粒炭精時, 真是一額汗, 經我們齊齊潑火, 才起好火頭.

我們除了帶豬扖、雞翼、腸仔、牛丸、魚蛋、墨魚丸、蕃薯、棉花糖、麵包外, 還帶了不少海鮮: 蝦、魚、魷魚、八爪魚等食物, 可能那些魚鯹味, 一路燒, 一路引來一些蒼蠅飛來飛去, 使我們燒烤的雙手更加忙碌, 要不停趕蒼蠅, 也攪到我再沒有手去拿相機拍照.

星期六, 2月 21, 2009

新單車

去年尾申請咗一張新 Visa 卡, 今早飲完茶, 攞了另一張幾年前嘅舊卡去銀行取消.

新卡星期三 (18.2.2009) 已送來迎新禮品: 單車一部.

趁今日得閒, 組裝後, 落街兜了幾圈, 覺得不太順暢

, 於是駛去單車舖泵氣, 泵好後果然快速好多

而那部舊單車雖然無壞, 但已用了多年, 又生了一些銹, 明天會將它拆散, 取回一些合用零件, 如: 坐位、里數計、倒後鏡、燈、水樽夾等等, 便會把那車架放入單車場, 但不會上鎖, 希望會有其他人攞它去重裝, 我諗應該好過直接掉去垃圾收集站, 運去堆田區埋葬.

星期日, 2月 15, 2009

董潔牛年喜得貴子

5.2.2009 牛年正月年十一董潔喜得貴子

星期日, 2月 08, 2009

左麟右李演唱會

去年情人節, 去了紅館看李克勤 <你的克勤演奏廳> 演唱會.

去年中, 紅館開始封館進行翻新工程, 直到今個農曆年才重開.

今晚首次踏足翻新後的紅館, 睇的是李克勤 + 譚詠麟 <左麟右李> 演唱會, 今次多咗 Alan, 個演唱會明顯攪鬼、熱鬧得多, 加上大會派了吹氣棒棒, 我哋和其他現場觀眾都看得很投入.

紅館翻新咗, 坐位全部換過, 而我最鍾意它的顏色, 紅黃藍綠各區嘅坐椅, 都以深淺顏色相間, 無以前統一色調那麼黑板; 我還發現觀眾席拆了一些坐位, 設置了輪椅專用區, 面積幾寬闊, 入口的梯級亦有輪椅升降的輔助器具; 至於廁所, 因為人太多, 所以無去觀光

而早幾晚出現過的表演嘉賓, 阿 B、健仔、華仔... 全部再無出現, My God!

星期五, 2月 06, 2009

指紋科學 & MBTI 十六型人格

繼昨晚參加了一場免費記憶法講座後, 今晚再次出動, 聽咗另一個免費講座, 內容分為兩個環節: 1) 指紋科學; 2) MBTI 十六型人格分析.

主講員說指紋都可以分析人的性格, 真係唔講唔知

同場另一位講員好攪笑, 表演慾很強, 口沬橫飛, 七情上面, 我仲以為去咗睇 talk show

, 而他介紹的性格分析法和九型人格有些類似, 但他說的則細分為 MBTI 十六型人格, 即場還派了一張濃縮版的 MBTI 十六型人格問題紙給各人, 把答案歸類後, 便會知道自己屬於某一類性格的人, 雖然是濃縮版, 都有七八成準! 所以好想知道全份九十多條題目會問乜?

星期四, 2月 05, 2009

記憶法研習坊

近來睇免費報紙, 經常會看到一些免費記憶法研習坊廣告, 既然是免費, 趁今晚得閒, 便搵了其中一個去聽吓.

司儀介紹主講者的名銜時, 全都是世界乜乜... 國際物物... 香港乜乜... 中國物物... 來頭看似很勁啊

主講者和他的學生除了接受觀眾考驗, 表演驚人的記憶力外, 還帶領全場觀眾進行了幾個簡單的記憶法活動, 介紹了一些記憶法的重點, 幾好玩, 沒有悶場

研習坊短短兩小時, 當然只講到一些皮毛, 要深入了解記憶學當中的竅門, 還是需要俾錢報讀他們的收費課程, 辦咁多場免費 live show, 運作費都唔少, 想當然學費一定不會平, 個別單元, 成人班收 $7500 起 / 學生收 $4500 起...

一講到 $, 很多人開始離場, 幸好那裡的工作人員沒有人釘人拉客, 也沒有死纏爛打的討厭行為.

總括來說, 參加了一場有益、有趣的研習坊, 既然有所得着, 但無幫襯, 總應該多謝一下主辦單位