htc one V 維修

htc one V 出機未夠兩個月便壞了, 不停 boot 機 , 由於內置電嘅關係, 連關機都唔得. 

用過其他牌子手機, Nokia & Sony Ericsson... 都唔會咁快壞  !

壞嘅原因不知是部機問題? 抑或是我 download 了太多 Apps, 負荷唔到?

不過我 check 過部機, 明明只用了 4 分之 3, 仲有差不多 3 百幾  MB 未用架...

抑或是個防毒 Apps 唔掂, 上網中了毒?

今日攞去維修, 上到去坐滿人, 有職員遞上紙包飲品, 唉! 好過無啦!

職員話整完後, download 咗嘅 Apps 會無晒, 唔係嘛, 呢個幾月咁勤力搵  Apps 同試 Apps, 咪白做  !

職員話要等兩三日後, 才會有人通知取機喎.

htc one V 新手機 plan

手機舊 plan 本月 12 約滿, 剩續約個上網 plan 貴了很多, 加些錢順便換新手機算了.

hTC

htc one V  剛剛本月五號才推出發售 功能： 首批採用Android™ 4.0 with HTC Sense™ 4 手機 透過HTC ImageSense，強化低光源拍攝、提升色彩準確度、景深和高對比度 媲美專業數碼相機效能：0.7秒相機啟動時間，能以一秒兩張的速度連續拍攝九十九張照片 F2.0光圈、HDR背光攝影技術及自動調節閃光燈，讓你於任何環境下都能拍出令人滿意的照片 專屬相機操作介面，能於攝錄720p高清影片同時拍攝照片 整合升級版Beats Audio™音效處理系統，將音效提升至錄音室發燒級 鋁合金一體成型設計，9.24mm纖薄機身 3.7吋WVGA觸控屏幕，25GB Dropbox 免費儲存空間及最大支援32GB micro SD™ 繁體、簡體中文和英文介面 配套： 1 x 手機 (內建標準鋰離子電池) 1 x 充電器 1 x USB 轉輸線 1 x 耳筒 1 x HTC Care卡 1 x 保用證 1 x 快速指南 1 x 安全指南 尺寸及參考數據： 體積：120.3 x 59.7 x 9.24 毫米 重量：115克 通話時間最長：至長可達 500分鐘 備用時間最長：至多可達 533小時

htc one V 上台出機價 $ 2180, 將會分20 期全數回贈, 但上台 plan 差不多比舊約貴2 百.

如果唔係想玩 android app, 我都無需要上個出機 plan, 而 android 機上網會好食數據用量, 為免麻煩, 都係揀個高 MB 數用量嘅 plan 比較穩陣.

適逢復活節, 商場購物滿 $2,000 送 bitbit 兔.

不過出了手機後, 換兔仔個 counter 仲未開, 唯有繼續行商場, 直至 1:00 pm,  counter 開了才帶兔仔回家.

Nokia C2-01 - Y . .

Nokia C2-01 - Y . .

2011-02-27

二姊新電腦

二姊今天買了新電腦, 買手當然又係細佬.

為免麻煩, 他們原本想依照我去年11月所買的新 PC 格式, 照執一套, 再加一張高清電視咭便可.

但相隔僅僅兩個月, 我所用的那一張 display card 及機箱已賣斷市, 他們唯有改買其他型號, 最後以 HK$6,200.00 出貨.

這是二姊的 PC 購貨單 @ 2.1.2011
 

和她這部 PC 相比, 我那部腦平了 HK$240.00, 但沒有 TV card, 我因為唔趕着用, 細佬建議我等埋年尾電台實施數碼廣播後, 才購買新的數碼咭.

 

買新電腦

舊電腦自去年開始便間歇性當機, 上月更經常開不到機, 要連 Boot 多次才勉強開到機, 運作不久又會無端端當機 , 上兩星期更正式壽終正寢, 用盡所有方法都 Boot 唔著了, 由於舊電腦已用了四、五年, 部分格式已 outdated, 所以都無謂再花錢修理.

昨天找了細佬幫我去黃金買新機, 他負責同 sale 講, 逐項配件報價後, 再去多兩間較大型的集團式店鋪格價, 上落百多二百元, 但他們話其中有些配件無貨, 叫我哋揀其他型號, 所以最後都係去番第一間出機算了, 叫落訂後 1 小時後去提貨點取貨, 然後我哋週圍睇吓 d Mon, 但牌子、款式太多太新, 又 LCD 又 LED 又高清, 一時間很難下決定, 為免買錯, 還是押後再慢慢揀吧!

去到提貨點, 原來要攞籌, 一等便再等多 45 分鐘,  check 貨時又發覺攪錯咗個 Hard Disk, 他們又要找人送過來, 細佬原先已約好朋友打 Tennis 要趕住走唔可以再等了, 細佬走後, 我自已再行多一陣黃金 & 高登才返歸.

今午再出去取機, 新 PC 的主機消費只比四、五年前的舊機貴些少,  HK$ 5,960 (不連 Mon), 但這幾年間, 電腦產品真的更新得很快, 部分配件價格又不斷降, 所以付出差不多價錢, 已比舊機的裝置強很多, 其實現在我大可以省回一些, 揀稍平一些的型號已夠用, 但為免麻煩, 希望現在付出多少少, 加大了馬力後, 可以令這部新 PC 再耐用一些吧!

 

PC 新主機: HK $5,960
 

用咗多年的 15" 舊 Mon, 雖然細咗小小, 但仍好清晰!
 

 

 

訂風扇取貨 一肚氣

昨晚九折訂落一把風扇, 下午 PxxxxRxxx 來電說已有貨, 於是放工去攞.

去到舖頭, 風扇盒已扎好繩, 諗住唔會有問題掛, 點知攞到返屋企, 打開盒蓋, 已發覺手挽位爛了斷開咗, 拿拿林又要攞番舖頭換, 第二把扇嘅扇背又裝得唔好, 唯有改買另一牌子, 俾錢時店員話要收回原價再無九折 (因昨天是 last day 九折).

無九折不突止, 那間分店嘅標價係貴過同區另一間分店 $10, 真係媽叉佢, 今倘焗住買貴嘢, 一肚氣!

對訂折扣貨完全失去信心... 下次咪攪  , 一定要驗好貨才付錢!

Buffalo 1T 3.5" External Hard Drive - My favor

去年 12 月行深水埗電腦節, 看中了一部 USB 外置硬碟, 但缺貨買唔成, 今天再行深水埗腦場, 買了以下 3 樣電腦 / 手機配件: -

1) Buffalo 1T 3.5" External Hard Drive:

去年在深水埗電腦節賣 9百幾, 今日買只需 $728, 平了兩百  , 它還有以下的備份功能:

2) USB 風扇仔:

一般舖頭都賣 $20 (當然有些仲貴), 後來見到一間賣 $18, 便幫親佢買了一把, 諗住廿蚊貨仔, 又插 USB, 唔荒有得試, 於是隨便打開盒蓋見是我要的藍色便俾錢走人, 點知返到屋企, 才發覺其中一塊扇葉穿了一條 1cm 裂痕, 雖然開動風扇後會看不見那條裂痕, 亦不影響運作, 但這個故事還是教訓了我, 以後不論買乜東東... 價值多少... 都應該要小心 check 貨  !

3) Toshiba 2GB micro SD Card with adapter, $42, 較上個月買那張又平了兩蚊  !

Nokia 5800 新手機 Plan

今天去出新手機 Nokia 5800, 原本想用 $128 + $38 那個 plan, 但 Sales 講了一大論, 話這個 plan 未必適合我用, 介紹我用 $128 + $28 + $15/15MB 那個 plan 會穩陣 d, 因為這個 plan最高只去到 $128 + $298, 可以上下載, 但如果我揀原先那個 plan 是純睇網頁不包上下載, 萬一我唔小心 click 咗去上/下載 data, 收費是 $0.06/1KB, 大約是 $60/1MB, 最高會去到 $128 + $898, 現階段唯有信他...

第一個月一定要小心 d check 用量, 睇吓我要去那幾個 website 屬於那類收費, 如果唔爆, Sales 介紹那個 plan 會幾好, 萬一爆咗, 收費會幾貴, 最壞打算, 如果真係好貴的話, 可能要買部 netbook 用隨身寬頻, 那樣可能會更加抵!

換新手機

舊手機合約上月已完咗, 所以想趁轉網絡商時順便換埋手機...

早幾個月前已着手留意一下各牌子的新手機, 主要考慮的因素很簡單, 揀一款容易操作嘅上網手機便可, 其他太花巧的手機功能對我來說是沒必要的, Budget 預算 $3000 樓下, 而細佬話 around 這個 Budget, 諾基亞 5800 XpressMusic 算唔錯.

操作系統：

Symbian OS v9.4, Series 60 rel. 5

我都覺得它的功能已夠我用, 上月曾去過出機, 上台價 $2480, 但無貨喎 !

最近發現 Nokia 嘅對手 LG 推出咗一款正在大賣廣告嘅新機: ARENA (KM900), 屬於多點觸控式, 加上它標榜擁有首創立體旋轉 S-Class 介面, 既然是新科技, 好似幾吸引, 於是走了去舖頭試玩, 但由於介面真係太新, 好唔慣它的操作方式, 真係好失禮... 武唔掂它 , 投降算了!

昨日行商場, 發覺 5800 上台出機價竟跌至 $1480, 立即問問 Sales 有無貨? 他說有貨了, 於是今午拉埋細佬幫手去出機! 無啦啦平咗一大截出機, 慳番一筆, 發達囉! 可能真係要多謝一聲  LG 剛剛推出了 KM900, 令到 5800 立即減價迎戰! 

多謝晒

Nokia 5800 規格

Nokia 5800 規格:

一般規格 GENERAL SPECIFICATION 分類： Smart Phone 品牌： Nokia 推出日期： 約 2008 年 11 月 一般介紹： Nokia 首款 Touch 手機 320 萬像蔡司鏡 GPS、AGPS、WiFi、TV Out HSDPA 傳輸 網絡系統： HSDPA / UMTS / GSM 850 / GSM 900 / GSM 1800 / GSM 1900 手機型狀： 直身 中央處理器： ARM 11 369MHz 操作系統： Symbian OS v9.4, Series 60 rel. 5 機身顏色： 黑色、紅色、藍色 尺寸： 111 x 51.7 x 15.5 mm 重量： 109 gram 操控： 輕觸式 電池種類： 鋰電池 (1320 mAh) 通話時間： 525 分鐘 備用時間： 406 小時 內置記憶容量： RAM: 128MB / ROM: 81MB 可擴充記憶： MicroSD 最大支援記憶體： 16GB 螢幕規格 SCREEN SPECIFICATION 螢幕尺寸： 3.2 吋 螢幕類別： TFT 螢幕顏色： 16700000 色 螢幕解像度： 360 x 640 螢幕備註： 輕觸式 相機規格 CAMERA SPECIFICATION 數碼相機： 支援 像素： 320 萬像素 最高解像度： 2048 x 1536 CCD 種類： CMOS 自動對焦： 支援 光學變焦： - 數碼變焦： - 自拍鏡： - 視像鏡頭： 支援 閃光燈： 支援 短片拍攝： VGA@30fps 多媒體功能 MULTIMEDIA SPECIFICATION 相片播放格式： - 音樂播放格式： MP3、eAAC+、WAV、WMA 短片播放格式： 3GP、MPEG4、WMV 收音機： RDS FM 收音機 串流播放格式： 支援 錄音機： 支援 免提音效： 免提擴音 支援鈴聲： 64 和絃、MP3 佈景主題： - 遊戲： Java MIDP 2.0 來電提示： 震動提示、來電響鈴 短訊功能 MESSAGING 訊息格式： SMS、MMS 電郵： 支援 輸入法： 中 / 英文 T9 輸入法 應用程式： Java MIDP 2.0 連接 CONNECTIVITY 藍牙支援： 藍牙 v2.0、A2DP 紅外線支援： - 流動數據： HSDPA、UMTS、EDGE、GPRS wifi 功能： Wi-Fi (802.11 b/g) gps 功能： GPS、AGPS 電腦連線： USB 2.0 視頻輸出： 支援 一般規格 GENERAL SPECIFICATION
分類：	Smart Phone
品牌：	Nokia
推出日期：	約 2008 年 11 月
一般介紹：	Nokia 首款 Touch 手機 320 萬像蔡司鏡 GPS、AGPS、WiFi、TV Out HSDPA 傳輸
網絡系統：	HSDPA / UMTS / GSM 850 / GSM 900 / GSM 1800 / GSM 1900
螢幕尺寸：	3.2 吋
螢幕類別：	TFT
螢幕顏色：	16700000 色
螢幕解像度：	360 x 640
像素：	320 萬像素
短片拍攝：	VGA@30fps
手機型狀：	直身
中央處理器：	ARM 11 369MHz
操作系統：	Symbian OS v9.4, Series 60 rel. 5
機身顏色：	黑色、紅色、藍色
尺寸：	111 x 51.7 x 15.5 mm
重量：	109 gram
操控：	輕觸式
電池種類：	鋰電池 (1320 mAh)
通話時間：	525 分鐘
備用時間：	406 小時
內置記憶容量：	RAM: 128MB / ROM: 81MB
可擴充記憶：	MicroSD
最大支援記憶體：	16GB

東九龍電腦節

食完午飯後去了 Megabox 東九龍電腦節, 一進場便看中一部 Axxx 粉紅色手提電腦, $2788, 雖然鍾意, 還是想睇多幾檔, 比較比較一下先, 繼續往樓上走, 發覺最多檔口賣 USB 手指及 USB 外置硬碟, 唔係嘛! 同一牌子的 2G & 4G 手指還貴過我去年買的, 乜唔係會越賣越平嘅咩? 而 USB外置硬碟就真係平了不少,  初時睇中一間送防毒軟件, 諗住行晒全場才返轉頭買, 點知返轉頭已沽清, 其他檔口又無野送, 價錢亦平不過街價, 既然如此, 還是返舖頭買穩陣 d.

在樓上一間 B B 電器舖內看見剛才那部手腦, 價錢相同仲可以簽咭做分期, 但只有深藍色, 雖然價錢相同, 但顏色唔同又好似降低了購買慾, 售貨員還說它的機殼物料不及另一部 Hx 牌子手腦, 賣 $3300, 送 $100 超市券, 外形及質感不錯, 但有利有幣, 帶出街略嫌重了一些!

行完全場返回地面,  Axxx 粉紅色手腦又缺貨, 只有深啡色, 仲礙眼過 B B 電器舖賣的深藍色, 我當然更加無意慾買啦!

回程經過九龍灣德福百xx, 售貨員又推薦了另一部 Lx 牌子手腦, 賣 $4380, 話此機特別之處是有個 S 乜乜插位, 是其他所有牌子無的, 好處是可以直接駁去桌面電腦, 抄 programme files 會快好多喎, 不過他說今日賣咗好多部, 已無貨, 叫我落訂先, 星期一回去攞貨... 咁麻煩... 我又唔急用... 正好讓我消化消化一下各售貨員的說法...

行了幾粒鍾, 最後食白果!

320G Portable Hard Disk

自從陳冠希電腦資料被竊及政府多個部門出現遺失 USB 手指事件後, 我哋公司已停止購置  USB 手指, 今晚收工後,  IT 部同事會 OT, 為所有公司嘅電腦安裝加密軟件, 日後當一切檔案另存到外置記憶體時, 會即時 lock 住檔案, 並要求加上密碼, 再打開它時也必須輸入密碼... 真係聽見都煩!

雖然知道 4 月 megabox 有個電腦節, 但昨晚還是急急腳走去黃金買了部 320G portable hard disk, 今早趕得着在公司 backup 番晒我自已所有檔案.

新單車

去年尾申請咗一張新 Visa 卡, 今早飲完茶, 攞了另一張幾年前嘅舊卡去銀行取消.

新卡星期三 (18.2.2009) 已送來迎新禮品: 單車一部.

趁今日得閒, 組裝後, 落街兜了幾圈, 覺得不太順暢   , 於是駛去單車舖泵氣, 泵好後果然快速好多

   

而那部舊單車雖然無壞, 但已用了多年, 又生了一些銹, 明天會將它拆散, 取回一些合用零件, 如: 坐位、里數計、倒後鏡、燈、水樽夾等等, 便會把那車架放入單車場, 但不會上鎖, 希望會有其他人攞它去重裝, 我諗應該好過直接掉去垃圾收集站, 運去堆田區埋葬.

再去電腦節

今晚放工再去深水埗電腦節, 本想買前日見到的: 2.5" 160G Portable Hard Disk Drvie ($399) / 白色 Buffxxx 2.5" 250G Portable Hard Disk Drvie ($545) / Westxxx Digixxx 3.5"  1TB My Book Essential ($860) / Buffexxx 3.5" 1TB External Drive ($913), 但全部斷貨, 慳番

轉移目標, 買了一部 3 合 1 printer ($399), 再送多一支 ink, 買佢嘅主要原因唔係想 print 嘢, 而係當 scanner 用, 得閒 scan 吓嘢, 當玩具玩囉.

last 一日, 勁多人, 一直行到 22:00 電腦節結束... cut 埋電便返歸!

深水埗電腦節

昨天食完早餐, 去咗深水埗電腦節.

10 點鐘到達, 首先行街檔, 人不算太擠, 只有個別檔口出現人龍.

d 相機記憶咭鬼咁平, 名廠貨半價都有, 可惜上個月已買咗幾張去日本, 泵心

行完一圈, 買咗一隻 imatxxx 16G 手指: $229, 然後轉入黃金 & 高登, 價錢同街檔差不多... 出番嚟, 已是午間, 會場環境已大大不同, 人山人海, 插針難入, 但一場去到, 唔想咁快走, 混入人群中, 再跟住人龍慢慢移動, 見到一檔,  8G 手指賣 $80, 咁吸引, 又買多兩隻... 買完後立即有 d 後悔, 花了 $389, 只得 32G! 會場內多個牌子的 2.5" 160G Portable Hard Disk Drvie, 四百有找; Westxxx Digixxx 3.5"  1TB My Book Essential $860, 咪仲抵, 蠢咗啦    

心多多... 真係有 d 心動, 好想買埋佢哋番歸...

3 合 1 可以 scan 嘢嘅 printer 亦好抵, 4/5百有交易, 不過屋企唔會有好多嘢要 print, 擺得耐唔用墨咀又會塞, 都係無謂嘥錢 & 阻地方!

轉轉轉, 又入番高登, 去到一間老字號 Cxx 店舖, Buffxxx 2.5" 250G Portable Hard Disk Drvie 賣 $545, 白色嘅外型幾吸引, 可惜剛才買咗3 隻手指  ! 另一隻 Buffexxx 3.5" 1TB External Drive 賣 $913, 更加想買, 因為我部 PC 嘅 Hard Disk 已 full 咗, 連上月去日本影輯相 & video 都裝唔晒... 但係唔知它們夾唔夾我部 PC? 買咗唔啱用好麻煩... 去年4月, 我部腦試過換了隻 22" 大 Mon, 但隻牛負荷唔到, 成日檔機, 最後仲要上網賣咗隻新 Mon.

諗呀諗... 眼定定望住 d 兩部 Drive 好耐... 忽然... 見到櫃位個售貨員哥哥用一 d 奇怪嘅眼神望緊我

就係他這一個眼神... 喚醒咗我...

要決定啦: 買定唔買... 買定唔買?

算啦... 最後決定唔搏... 無謂草率行事, 因少失大...

好唔捨得咁調頭走人.

不過我有預感, 不日我會番嚟幫襯!

始終我要幫 d 相 & video 搵番個歸宿!