左麟右李演唱會

去年情人節, 去了紅館看李克勤 <你的克勤演奏廳> 演唱會.

去年中, 紅館開始封館進行翻新工程, 直到今個農曆年才重開.

今晚首次踏足翻新後的紅館, 睇的是李克勤 + 譚詠麟 <左麟右李> 演唱會, 今次多咗 Alan, 個演唱會明顯攪鬼、熱鬧得多, 加上大會派了吹氣棒棒, 我哋和其他現場觀眾都看得很投入.

 

 

紅館翻新咗, 坐位全部換過, 而我最鍾意它的顏色, 紅黃藍綠各區嘅坐椅, 都以深淺顏色相間, 無以前統一色調那麼黑板; 我還發現觀眾席拆了一些坐位, 設置了輪椅專用區, 面積幾寬闊, 入口的梯級亦有輪椅升降的輔助器具; 至於廁所, 因為人太多, 所以無去觀光

而早幾晚出現過的表演嘉賓, 阿 B、健仔、華仔... 全部再無出現, My God!