離開安重根義士紀念館 (Ahn Jung-Geun Memorial Hall), 坐個多小時車, 來到愛寶繽紛樂園 (Everland Resort).
落車後再轉樂園 shuttle bus 去閘口.
樂園今年要慶祝 35 周年啦!
即是和香港海洋公園同年開放.
這個樂園有些似香港的兩大主題公園, 同樣有機動遊戲.
同樣有吊車, 但是開放懸空式, 可以腳 fing fing.
同樣有巡遊, 適逢快將萬勝節, 園內到處都有南瓜、嘩鬼佈置, 12:00 noon 更有大型的 Halloween show, 花車主題當然有很多南瓜, 及鬼怪裝扮的舞蹈員, 我哋不懂韓語, 唔知佢哋講乜, 但當地人就笑得好大聲.
而樂園另一個特點, 就是設有野生動物區, 遊客只需坐進園中的專車, 便可進入動物區看大動物如: 獅子、老虎、狐狸、大熊、長頸鹿、斑馬等等.
熊! 熊! 熊! 熊出沒注意!
下車後進入另一區便可看見一些體型較小的動物如雀鳥、袋鼠、馬騮、烏龜、蝙蝠等等.
睇完 show, 就去食午餐, 這餐要自費, 導遊介紹去 China Moon 食炸醬麵, 她說好好食喎.
我哋試咗, 可惜無驚喜, 色- 黑 ma ma 唔靚; 香- 唔覺有; 味- 香港嘅炸醬麵好食得多, 反而配菜酸蘿蔔幾好味
. 
食飽飽便坐小火車遊花園, 涼風樸面, 幾舒服呀!
其他設施就有些陳舊, 畢竟樂園要慶祝 35 周年了.
再周圍影吓相, 很快便 3:30, 係時候集合離開了.
(尚有其餘相片放相簿)
(遊記待續)
沒有留言:
張貼留言