秋高氣爽

秋高氣爽, 最適宜郊遊, 所以我打算好好利用這個年中最適合旅遊的季節, 現正安排緊一個旅程, 心情嘅興奮又緊張, 但由於很多地方都想去看看, 發覺要揀定旅遊地點都有點困難, 所以近日正忙於出遊前的準備功夫, 包括:

1) 上網找資料.

2) 去旅行社找資料,
     i) 然後比較各旅行團的航機
         (出發及回程航班時間 - 盡量避免晚機出發及晨早機回港的旅行團, 會嘥咗頭尾兩日時間),
     ii) 再比較行程景點, 食宿等安排, 最好搵到 d 全包團.
          (我覺得既然是遲早都要俾的收費, 明碼實價, 一次過交咗好過啦, 好過到時逐樣計, "腰心腰肺", 感覺上會令自己舒服 d , 唔使攪到好似是被人宰割咁慘 !)
3) 留意世界各地的天氣情況.

4) 留意各地新聞, 睇吓有無特別事情發生 (原來雲南上兩月有地震, 當地會有 d 亂, 環境唔喺咁好, 所以要避一避; 剛剛北韓又話核試, 所以立即決定不去他周圍附近的地方玩啦 - 南韓, 青島, 中國東北省等地方, 唯有等下一次再考慮了!)
扣扣埋埋, 初步想去的地方只剩下黃山, 張家界, 或九寨溝等山水景點.

聽說現在去那些景點都是非常合適的季節, 但九寨溝今個月的團費貴咗好多, 全包團要收七/八千元一位, 還有其他領隊費, 導遊費, 燃料附加費, 機場稅, 雜費等加加埋埋, 唉... 四個人去 (我
、大家姐、二家姐、細佬), 好似比其他團貴了一大截...

又聽說黃山十一月後將會攪冬季旅遊推廣, 會有一些特別優惠, 但十一月後天氣漸涼, 我又唔想帶咁多行李, 著咁多衫上山...

又聽說張家界冬天雪景最靚, 不過我最怕凍, 所以不打算將今次的行程押後...
睇咗咁多... 聽咗咁多... 想咗咁多... 我開始發覺諗咁多都喺有 d 多餘嘅, 其實有很多事情都是由不得自己控制的, 太執著, 太刻意安排一切, 樣樣都是意料之中, 反而唔會有驚喜的樂趣, 加上旅行都是想 relax, 舒展身心, 只要放鬆心情, 完全投入旅程中, 好好接觸一吓眼前的人物, 事物, 和大自然的點點滴滴,  已很足夠, 其他鎖碎事情, 真的要放下來... ...

~ ~ ~    現    正    期    待    出    發    的    日    子    ~ ~ ~