Halloween 嘩鬼出遊

剛剛過完中秋節, 萬聖節又跟著到, 萬聖節雖是西洋節日, 但由於當天可以扮鬼臉、開化裝 Party, 所以在香港越來越受歡迎, 連海洋公園及迪士尼都會安排特別節目, 其他大大小小商店亦有特別裝飾, 吸引顧客.

我覺得嘩鬼雖然可怕, 但若在鬼節 "嘩鬼派對" 出現便會變得攪笑, 平時我雖然膽小, 但在萬聖節都想加入扮嘩鬼行列, 開一個網上嘩鬼 Party, 若果大家想齊齊玩, 首先當然要出示 “嘩鬼派對入場券” 啦, 而入場券不需要周圍撲, 只要每人持有一幅恐怖或攪笑的嘩鬼相片, 而相中主角最好是你本人的化身, 若果真喺無, 可以改用其他嘩鬼圖片/ icon 代替, 但一定要有驚嚇或攪笑的形貌, 然後再把它 post 在“回應”欄內, 就是這樣, 你便可以和很多嘩鬼見面啦!  
 
由於要預留多些時間給大家準備創意扮相, 所以這個派對早小小招募來賓, 歡迎不同國藉、年齡、性別人士參加, 但記得一人一票, 唔好浪費, 有多的 “嘩鬼派對入埸券” 可以使用另一名義登入!

各位若成功出示“嘩鬼派對入場券”後, 可能會接收到一個 Halloween 嘩鬼回應訊息, 所以咁好玩的派對, 真喺不容錯過!

後記:
若然各位認識一些嘩鬼動物, 歡迎介紹他們參加另一個“嘩鬼動物派對”, 詳情稍後再公布, 請各位密切留意!!