張家界、長沙之旅(28)

～ 張家界 ～

長沙、普瑞溫泉SPA、吉首、鳳凰古城、芙蓉鎮、龍王洞、

張家界、黃獅寨、天子山、袁家界六天直航團

27.10.2006 (星期五) - 1.11.2006 (星期三)

 

* * * * * * * * * * * * * * * * * * * * * * * * * * * * * * * * * * * * * * * * * * * * * *  

旅 程 中 的 固 定 支 出 (每 位)

團費: 港幣 2899 元
香港離境稅: 港幣 120 元
香港機場保安稅: 港幣 33 元
燃料附加費及手續費: 港幣 264 元
中國國際及內陸機場稅: 港幣 90 元
另購綜合旅遊保險 (6日) : 港幣 189 元
領隊小費: 港幣 240 元
導遊 / 司機小費: 港幣 120 元
自費景點項目 - 乖搭袁家界百龍觀光電梯: 人民幣 120 元



旅 程 中 的 額 外 支 出
購物 1:
由長沙坐長途車去湘西, 半路中途導遊話司機要下車取長途車證, 他把車泊在路邊, 團員也跟著下車鬆鬆腳, 有一水果小販推著一架木頭車走過來叫賣, 於是用了人民幣 6 元買了幾個柑, 大大個, 多水又甜, 正!

購物 2 & 3:
行鳳凰古城時, 經過一間餅舖, 有師傅做緊芝麻糖, 見新鮮熱辣, 用人民幣 10 元, 買了半磅, 邊行邊吃, 脆卜卜, 好有口感.
到了街口的鎮竿張氏姜糖舖, 導遊極力推薦, 話喺百年老號, 製作過程衛生兼且好好味, 有小辣、大辣、辣加芝麻三款味道, 試食時入口即溶, 味道唔錯, 便揀了兩包小辣 (每包內再有十小包), 人民幣 24 元一包.

購物 4 & 5:
出發前的茶會, 旅行社職員講過行程中也會安排參觀購物, 心諗以前在旅行團帶去購物的店舖, 貨物大都是比街貨貴好多, 所以出發前已有心理準備, 決定到時不會購物, 純粹參觀, 可惜參觀那日聽了店員吹水後, 還是把持不住, 在茶博士家品茶時, 買了一盒田七花茶、一盒杜仲茶, 共人民幣 280 元, 可惜那天晚上逛街, 發覺在當地的超市都有同類產品出售, 而且價格足足平了六、七成, 見價錢咁吸引, 又再買了一些茶葉, 看看和早上買的有甚麼分別.  

回港打開包裝品嚐後, 發覺貴價購回來的茶葉品質, 並不似那天品茶時喝到的茶味、茶香, 質量和自己在當地超市購買到的平價貨差不多, 究竟是我泡茶的功夫有問題, 抑或是做咗“老襯”, 被人宰割了呢! 其實同類貨品, 香港國貨店亦有出售, 而且種類繁多, 任君選擇, 真喺不用在上面的遊客區買貴嘢.

購物 6:
行程中旅行社包一次足浴, 師傅的足浴功夫只是一般, 但口才就一流, 在按摩腳踝的同時, 不停推銷足浴藥粉, 我哋唯有扮唔識聽佢講的國語, 他見我哋無反應, 仍然堅持不停嘴推銷, 就喺咁啦, 不經不覺足浴時間差不多已過了大半個鐘, 佢哋仲喺捉住我哋對腳喺咁按, 最後糊裡糊塗好似被人催眠咁, 又用了人民幣 200 元, 買了兩盒足浴藥粉, 付款後, 話都無咁快, 師傅便停止按足. 哈! 佢哋真喺好現實喎.

不過隨後去參觀的玉石廠和張家界 - 中國絲綢館 Zhangjiajie Chinese Silk Museum, 見貨物沒有甚麼特別, 又唔喺好平, 便沒有買嘢.

購物 7:
在天子山購物區買了八包無牌子的姜糖, 共人民幣 8 元, 味道只是普通, 不過勝在夠平.

購物 8 & 9:
在酒店附近的超市買了一套兩隻的張家界景點 DVD, 盒上標明人民幣 48 元, 不用講價, 只需人民幣 25 元. 另外買了一本細的張家界 / 袁家界風景書, 書上標明人民幣 22 元, 不用講價, 只需人民幣 5 元.

DVD 正面

DVD 背面

風 景 書 正 面

風 景 書 背 面

購物 10:
司機中途入油, 我在油站的小食部買了一包蕃薯乾, 人民幣 3 元.

購物 11:
坐最後一程車出機場時, 導遊在車上推銷人民幣 48 元一套 4 隻的張家界景點 VCD, 話喺張家界旅遊局特別推薦的, 不重於賺錢, 只在乎推廣旅遊業, 並保證不是翻版碟, 心諗如果喺正版都唔算好貴, 所以買了一套, 不過返港後, 發覺其中一隻有好多格仔, 吹脹!
                           VCD 正面                                                     

VCD 背面

  

購物 12 & 13:
在機場的免稅品店, 買了兩包黑糯米, 每包人民幣 20 元, 另外買了一包碎玉米, 亦是人民幣 20 元一包, 不過付款後, 收銀員竟然搵咗一個 second hand 的香港百佳超市膠袋幫我打包. 嘩! 堂堂一個長沙國際機場免稅品店, 竟然用香港百佳超市的 second hand 膠袋替客人包裝, 真喺無奇不有, 得啖笑!
特殊入場費:
基本上在旅途中, 除了是吃飯的餐廳、酒店外, 在景點及公路上的廁所, 大都要收“入場費”, 每次人民幣 1 元, 大小同價. 哝! 每日咁多人流, 山大斬埋有柴, 相信他們的收入都幾可觀, 唔知佢哋會唔會開放市場呢? 到時投番一間做, 包賺  .