近日除了公事繁忙之外, 家事亦非常忙碌, 因為家中的成員要分娩, 幾條孔雀魚乸輪流生魚仔, 為了幫她們接生, 令到我都有些神經緊張 
, 不過能夠親眼看著新生命誕生, 幾忙碌都是值得的, 但今次接生和以前有些不同, 因為其中有兩條 BB 魚是連體魚, 黐埋一起, 永遠都是共同進退, 好老友呢! 真估不到人類有連體嬰, 魚類亦有連體魚, 希望這兩條連體魚能快些自動分體啦 (因為我不是獸醫, 也不知怎樣幫他們分體啊 
!), 相信他們分體後, 必定會更加健康快樂地成長.
連 體 魚
魚 B B 護 育 隔 離 缸
左 鄰 右 里
, 不過能夠親眼看著新生命誕生, 幾忙碌都是值得的, 但今次接生和以前有些不同, 因為其中有兩條 BB 魚是連體魚, 黐埋一起, 永遠都是共同進退, 好老友呢! 真估不到人類有連體嬰, 魚類亦有連體魚, 希望這兩條連體魚能快些自動分體啦 (因為我不是獸醫, 也不知怎樣幫他們分體啊 !), 相信他們分體後, 必定會更加健康快樂地成長.
連體魚？哈哈，好得意啊~~ 唔知道佢0地呢對Twins大個咗似唔似樣呢？哇，你對佢0地好好bor----魚 B B 護 育 隔 離 缸 希望你D魚魚茁壯成長啦！
回覆刪除我都是第一次見連體魚, 大開眼界
回覆刪除mama 、 叮叮唔方便: 我亦是第一次見連體魚, 雖然是大開眼界, 但都有些擔心, 畢竟黐埋一齊成長都唔係太好, 希望佢哋識自己分體, 健健康康啦 .
回覆刪除叮叮唔方便: 我對 D 魚真係好好架, 買咗好多美食俾佢哋輪流換口味、吸收螢養, 所以佢哋都好健康, 我去完街返屋企, 佢哋都知我番咗嚟架, 全部游晒係我面前, 有 D 擺尾歡迎我、有 D 翻筋斗、有 D 張大口同我講嘢添... 佢哋仲好叻, 知道我錫佢哋唔同佢計較, 所以過無幾耐就生一大群魚仔、魚孫俾我湊, 唉! 好似奉旨咁, 恃熟賣熟, 完全唔會同我客氣 .
回覆刪除其實有時見到d動物向你擺尾, 會好開心, 我丈夫以前養左2隻貓, 一公一毑, 但隻貓毑係舊年6月左右送左比當地一個收留寵物既組織, 因為我頂隻貓毑(名字叫貓貓)唔住, 佢年半生3胎, 每胎6隻, 貓仔成屋大小二便, 我本身有皮膚敏感, 再加上有bb, 跟本無人照顧貓貓, 我提出將貓貓送比人, 隻貓公(肥貓)就留低, 因為係我丈夫個爸爸臨死之前交托他照顧它的, 所以我覺得我地要照顧到肥貓百年歸老為止, 其實我都幾鐘意貓貓, 我一叫佢名, 佢就老遠都即刻走黎, 又比我係佢身上劃公仔, 又比我同佢剪貓頭髮, 但係我本身既皮敏感越黎越重, 現在好似加埋鼻敏感添呀 你d魚仔信得過你麻, 咪交低d魚孫你照顧囉 , 但係當你見到d魚孫一天一天長大到他們獨立時, 嗰種開心又難以形容
回覆刪除恭喜妳﹗家庭又狀大啦﹗﹗﹗﹗
回覆刪除好得意呀，第日等條魚大ｄ時，再拍照給我們看罷．
回覆刪除mama: 我都鍾意貓貓狗狗, 不過我自己一定唔會養囉, 因為怕佢哋周圍大小便, 好污糟架, 所以我有時行街望見有 D 靚貓狗, 都會望多兩眼, 遇啱有 D 貓狗主人好傾, 傾多幾句, 再逗 D 貓狗玩吓, 佢哋開心時我又開心, 使乜自己養咁笨, 你估真係無嘢做咩 . 養魚就唔同肋, 打理容易好多, 我讀小學已經鍾意養魚, 斷斷續續 keep 到而家都無變, 係唔係好長情呢 , 我屋企仲有養海水魚添, 即係小丑、藍倒吊、醫生蝦... 等等, 其中有一條小丑魚已養了兩年多, 見佢每日仲係好健康游來游去, 我真係會好開心架.
回覆刪除j.w: 多謝到賀. 哈! 不過唔見賀禮 ge .
回覆刪除馨馨: 這個當然啦, 等佢哋大 D, 再同各位 say hello 吧 !
回覆刪除我非常同意你的見解, 我都鐘意貓貓狗狗, 但要我同佢地住埋一齊我就唔得囉, 好似而家我屋企肥貓咁, 佢瞓完的地方留底好多貓毛呀, 我個仔間房的房門係要經常關上, 因為肥貓好鐘意跳上donald張床度瞓, 激死我呀
回覆刪除我反而想知道你怎能"等"得到小魚兒的分娩時間....! 連體魚好得意, 不過也希望他們可以快點分開吧!
回覆刪除one0one: 連體魚直到今天仍然黐埋一起, 還未分開呢, 不過體型明顯較同日出生的魚 BB 細小, 真希望他們能快點分開, 健康成長 ! 至於魚乸分娩的過程, 我並不是每次都能看見的, 若然碰巧沒有外出, 便可目睹魚仔出世過程, 一但外出了, 便不能看見. 通常孔雀魚乸受精後, 肚兜會漲大, 開始時是淡啡色, 精子成熟後, 肚兜會逐漸轉深色, 不過轉深色後並不會立即生產, 這時魚乸會好開胃食好多嘢, 我諗是要讓魚仔吸收營養吧, 再過多天, 若果魚肚明顯轉黑, 我就要把魚乸隔離去孵化兜待產, 這是必須的步驟, 也是對魚 BB 最安全的做法, 因為如果不把魚乸隔開, 新生的魚 BB 就會成為其他魚的點心和補品 . 一般孵化兜內有膠片分開上下兩層, 魚乸放上層, 魚 BB 出世後, 若然游經膠片上的一些幼小空隙, 便會滑落下層, 再和魚乸分開, 因為魚乸分娩時, 會好想食嘢, 如果我見到, 就會加魚糧給她, 魚乸吃飽魚糧後, 對魚 BB 會安全些, 如果魚乸無嘢食, 見上層有魚 BB, 她是會饑不擇食, 吃自己的魚仔架, 當魚乸生產完後, 我就會把她放回大缸中, 而魚 BB 會留在 "護育隔離缸" 中一段時間, 待他們長大些後才可以遷進大缸中. 經過了多次接生經驗後, 我發現了另一件有趣事, 就是孔雀魚乸生產完後, 並不一定會即時完全收肚, 因為她受精一次, 是可以生兩胎的, 若果她生產完後, 肚部仍然好大和有淡啡色, 表示她體內仍然有精子存在, 那麼, 待她的肚兜再一次轉深色...轉黑後..., 表示另一次分娩期又到了, 而第一胎和第二胎分娩期相差約一個月左右吧, 所以若然幾條魚同時大肚或分娩, 我真係會好忙架 .
回覆刪除我0岩0岩sin發現你係我第一篇blog度留咗言啊~~差D miss咗tim 係啦，你對Twins分體咗未啊？幫我問候下班魚朋友啊
回覆刪除叮叮唔方便: 我都係0岩0岩sin發現妳係我這篇網誌度留咗言啊~~ 妳嗰 blog 改咗版面設定呀? ~ Good design ! 我剛剛望過魚魚, 但連體魚依然是糖黐豆, 未想分開呢 !
回覆刪除