周圍行

今日吃完早餐後, 搭地鐵去了淘大、德福行, 行完淘大、德福低座商場後, 當行過去高座商場途中, 見有 megaBOX 的指示牌, 便決定不再行德福高座,  跟着指示牌的方向走去 megaBOX, 但行到 megaBOX 樓下, 才發覺原來德福有免費 shuttle bus 駛來 . 唉! 行到熱辣辣, 蠢咗添.

megaBOX 都幾大, 商場有十多層, 佈局有些似 "朗豪坊", 其中有些扶手電梯是跳層上落, 不是一層接一層的, 當踏上電梯前, 記得先要看清楚.

 賣的物品及經營方式有 d  似宜家, 但賣埋浴缸、企缸、坐廁、洗手盆, 如要裝修浴室便要慢慢睇, 因為有很多款式揀. 另一店舖 "香港最好電器" 賣嘅家電款式很多, 我係入面睇咗好耐, 因為家裡嘅雪櫃上月尾無啦啦壞咗, 我問過總代理維修部, 換零件要成千銀, 整好後只會保用 3 個月, 咁鬼貴, 成個換咗佢好過  .  

不過成座 megaBOX, 我最鍾意不是購物的舖頭, 而是入面嘅溜冰場, 就算自己唔入場玩, 坐在旁邊的觀眾席睇人玩, 亦有種透心涼的感覺, 幾 relax! 如果肚餓, 仲可以幫襯旁邊的食肆, 邊食邊看, 多重享受, 加上它的 view  超正, 望出去除了睇到舊啟德機場跑道, 仲睇到維多利亞港海景及香港島的山景,  其他溜冰場一定睇唔到咁靚嘅 view, 正  !

缺點就是 megaBOX 離地鐵站太遠, 不是太方便, 如果無  shuttle bus 接駁都幾隔涉  .