今早起身, 見到個細魚缸裏面有幾條魚仔游吓游吓... 原來隔離咗嗰條孔雀魚乸已經開始生啦
! 於是拿拿林用支汽水管吸走晒所有魚 BB 去個膠盒先, 因為魚乸係無性架, 仔女都照食, 我一邊吸她就一邊生, 望住佢生仔真係好興奮, 不過因為已約好咗兩個家姐飲茶, 唯有放好個生仔隔離網後便出門口, 攪到我有些心掛掛添
.... 牛腸、柴魚花生粥、糯米卷、义燒飽、排骨飯、北菇雞飯、埋單 $66. 哈! 價錢同食快餐店早餐差不多, 唔算貴.
跟住去行超市, 見米架已入番貨, 不過價錢真係貴咗好多, 以前買開的泰國米 $6.x 一斤, 現在漲到 $9.x 一斤
.回家後, 魚乸已再生多十幾條魚仔, 我繼續用支汽水管吸走晒 d 魚 BB 去個膠盒, 吸好後, 以為可以抖一抖, 點知望吓個大魚缸, 見另一條孔雀魚乸背鰭、尾鰭好黑, 好似是胎動, 於是乎又再急忙撈起她去個生仔魚缸... 不出所料, 未幾她真係開始生啦, 如是者, 我又化身成為接生婆幫佢接生啦...
今日真係超忙! 不過忙得好開心
.
臨時生仔缸
今天接生的所有 BB
幾多條? 我未數呀!
... 有興趣知嘅話, 自已慢慢數啦! 數完後唔該講番俾我知喎 
.
.
24" 魚缸 (600L X 300D X 360H mm)
順便考吓各位眼力, 睇吓搵到幾多種魚? 答案稍後才揭曉,
即刻再放多幾個 shot, 可能會易 d 睇.
PS: 下面這盆魚毛都係孔雀魚 BB, 係細佬嗰邊影 ga, 追索他們嘅祖先, 都係我兩年前係金魚街買回來同一袋孔雀魚生嘅! 不經不覺, 已是 n 代了!
點樣同吸管呀? 搵口啜呀?
回覆刪除[版主回覆04/19/2008 20:58:00]當然不是搵口啜!
只要用手指按住汽水管頂部, 再放入魚缸中對住魚 BB, 然後放開按住汽水管頂部的手指, 魚 BB便會吸進汽水管中, 這時立即再按住汽水管頂部, 並移走汽水管, 再用另一個容器接住魚 BB便可!
影 d 相來睇下丫 ?
回覆刪除[版主回覆04/19/2008 21:05:00]Sorry! 遲了上載相片, 現已補上, 稍後有空會再加上 video!
嘩!兒孫滿堂喎,幾時擺幾圍興祝呀.
回覆刪除[版主回覆04/19/2008 21:12:00]慶祝咗啦, 魚爸爸魚媽媽和她的親戚朋友食得好飽! 好開心!
放D水草落去個缸道靚D喎
回覆刪除[版主回覆04/19/2008 21:15:00]放水草係靚, 不過水質更難控制!
嘩!多到咁,點飬呀?
回覆刪除[版主回覆04/19/2008 21:27:00]其實都唔會好難養, 平日亦不需要花太多時間打理,
不過去年高峰期, 大大小小幾百條, 我才忍痛送了幾批魚俾同事.
睇你屋企個大缸好似金魚街果 D 咁 Pro 呀！
回覆刪除[版主回覆04/19/2008 21:28:00]過獎
嘩 .. 好多魚呀 !
回覆刪除我就鍾意魚江好多吾重種類既細魚 , 好靚呀 !
[版主回覆04/19/2008 21:34:00]要放唔同種類的魚在同一魚缸中, 便要避開唔好揀惡魚!
嘩 ! 好多魚 b 呀 !!!
回覆刪除妳就好啦,我之前養孔雀魚都係養公,後尾幫佢哋搵幾個伴番嚟,都好快去咗,反而 d 藍眼鳉就生過幾條,不過喺我以為佢哋夠能力保護自己之後再擺番落缸,可惜.....
[版主回覆04/19/2008 21:41:00]魚 BB 不可太心急開入大缸中...
藍眼鳉未養過, 惡唔惡 ga?
都唔算惡,我之前同 d 孔雀養埋一齊都無打交,不過我由佢大肚到生咗都唔知,要喺睇魚時見到近水面有 d 細條會郁嘅物體先知佢生咗, hehe...
回覆刪除[版主回覆04/20/2008 22:02:00]等我去開金魚街睇吓喱種魚先 .
條片真係好多魚,真要比好多心機.
回覆刪除我得番8條紅米奇咋.
不過好得意,每朝經過時啲魚會擺行尾.風擁埋我邊等食,但第二個人就唔會喎.
到黃昏無乜陽光又唔會喎,真唔知佢馮乜感覺.
[版主回覆04/21/2008 20:33:00]養魚都要講愛心, 邊個餵慣佢, 佢應該知!
嘩~~~~~ 好多魚ar!!!!!!!!!
回覆刪除[版主回覆04/21/2008 20:33:00](Empty)
哈~ 又係喎! 點解我諗唔到既?!
回覆刪除[版主回覆04/23/2008 00:00:00]貴人事忙, 一時之間醒唔起呀?
你都好犀利呀, 連魚媽媽胎動都知
回覆刪除[版主回覆05/04/2008 19:13:00]接生過那麼多次, 都算有 d 經驗啦