15.8.2008 睇奧運

睇奧運 (第七天賽事)

一連睇咗幾日奧運, 越睇越興奮, 返工前睇奧運, 晚上返到屋企, 又開著兩部電視, 再加埋部電腦看奧運消息, 所以眼睛有些攰, 不過今天美國水怪菲比斯將會衝擊第 6 面游泳金牌, 還有田徑正式展開、女子個人全能體操, 晚上又有羽毛球、中國女排對美國 (和平之戰), 所以今天專登請假, 實行全程/情睇奧運!

自從開幕禮見過鳥巢後, 今天田徑比賽再次見鳥巢, 發覺晚上及日光看鳥巢, 同樣十分壯觀!

零晨還有開幕式重播, 咁多節目, 唔放假點得呢?

深刻的比賽項目:

游泳

~ 水怪菲比斯成功沖擊第 6 面遊泳金牌, 再破世界紀錄! 但發覺他面上的笑容沒前幾項那般燦爛, 麻木了? 抑或是無敵最寂寞?

體操女子個人全能

~ 每次看體操, 都會替運動員的翻騰及落地動作而緊張, 因為難度真係好高, 亦容易失誤, 中國體操隊有楊伊琳及江鈺源出戰, 江鈺源跳馬失誤, 一直落後, 最後由年紀較小的 15 歲廣東小妹妹楊伊琳爭得銅牌! 成功爲中國保住上屆的銅牌位置.

金銀牌由美國運動員柳金、莎恩壯遜獲得.

柳金好 cool, 無乜表情; 而莎恩壯遜比較童真, 都識笑吓; 但最鍾意睇都係我哋嘅楊伊琳小妹妹, 笑容好可愛!

跳水女子三公尺跳板預賽

~ 郭晶晶 (1 st) 及吳敏霞 (4 th) 晉級!

乒乓球女子團體準決賽

~ 中國對香港, 張怡寧 vs 帖雅娜 (HK); 郭躍 vs 林菱 (HK); 王楠 & Xiaoxia  vs 柳絮飛 & Kwok See Yu (HK), 唉! 為香港祈禱, 不要輸得太失禮.

Result: 頭兩場果然話咁快打完, 意料之中! 第三場輪到王楠 & Xiaoxia  vs 柳絮飛 & Kwok See Yu... 都好嘅, 可以專心轉睇女排開局.

女排

中國女排對美國, 又輸波, 有點失望! 對中國女排 Fans 來說, 唯一有少少補償係睇足 5 局波.