開工大吉

牛年第一日返工, 全個 section 只有三丁人, 其餘攞晒假.

氣頂頂, 呯呯嘭嘭...  

呯呯嘭嘭... 真係要燒串大炮仗先

原本我都想攞假的... 但呀二頭在月中問我, 過年攞唔攞假, 當時我因為未有節目, 便答佢: 未知喎, 掂知他立即打蛇隨棍上, 話要放初四初五返鄉下, 仲話要交抵 d 工作俾我做, 我心諗: 原先你已預咗我返工做埋你個份, 咁你剛才唔好多此一問啦   

執輸行頭慘過敗家, 大吉利是...
 

 

呯呯... 嘭嘭... 呯呯... 嘭嘭...

所以... 我現在已決定, 如果明年還沒過檔的話, 我一定會早早遞假紙, 就算到時無節目用嚟瞓覺都好過做替工, 無謂正月頭一開工便要即刻加 "辛".