離開酒店便去本團第 4 個加遊點: 青島啤酒廠.
原來青島啤酒已經存在咗百多年
入廟拜神 去啤酒廠哽係要飲啤酒啦
飲勝
此醉酒小屋超好玩 在裡面行 自自然然便會行起醉貓步
飲完啤酒然後去食午飯, 坐車嘅時候導遊話可以自費食海鮮: 1 隻鮑魚 + 1 隻對蝦, 每位 ￥150, 我哋 4人初時諗住唔食, 後來受唔住誘惑, order 咗兩份, 但去到酒樓, 見到鮑魚同對蝦, 已經覺得賣相麻麻哋, 到上菜進食時, 真的物非所值, 同枱一位團友更說蝦肉發霉, 他找來領隊 & 導遊投訴, 經導遊轉達後, 餐廳願意送他 1隻鮑魚作補償.
當他等緊食那隻鮑魚嘅時候 我哋幾隻豬嘜行出酒樓門外影相
哈!我12年前又係跟永安山東8天,條線好多地方,不過你重多好多,嗰時團費3900蚊位.
回覆刪除又係青島食海鮮好失望,不過我無加費食,只不過團菜條左口霉嘅,投訴話係咁架,加錢食對蝦,嘩!貴到七彩,唔記得幾銀,都無人食.
以為海產地方會平,誰知重貴,海鮮都係香港囉.
[版主回覆11/11/2009 23:02:00]坐車時導遊話食海鮮, 一心以為係游水海鮮, 但去到酒樓一睇原來係雪藏嘢, 其實這個價錢這般貨色, 仲貴過香港.
你哋 12 年前團費收 3900, 咪好貴囉