超值中山團

早前報咗名參加一個超值中山團, 原本團費只需 $99, 坐直航船即日來回, 包一餐, 但去到旅行社, 職員話 Full 咗, 正想離開, 另一職員話有加班團, 但團費加至 $119, 行程一樣無變, 差廿蚊雞算得係乜?  於是乎照殺!

至於係唔係超值? 有幾超值? 要去咗先知  !

個團話咁快明天要出發囉! 明早 06:45 碼頭集合, 05:15 便要起身, 仲早過返工! C 未!

由於上月尾曾經連續兩天拗柴, 隻腳仍然痛緊, 好彩今日睇番行程表, 知道明天都唔會行好多路嘅, 只不過行吓公園仔睇杜鵑花、入吓購物點聽人吹水..., 只要依照醫生吩咐食藥、揸埋藥膏, 到時慢慢行, 相信可以應付得來.

若然要放棄出團的話, 無得攞番 $, 同樣好傷 ga  .

為求安全第一, 明天一定要小心一 d 行啊 , 希望全程可以平平安安啦   !