舊電腦自去年開始便間歇性當機, 上月更經常開不到機, 要連 Boot 多次才勉強開到機, 運作不久又會無端端當機
, 上兩星期更正式壽終正寢, 用盡所有方法都 Boot 唔著了, 由於舊電腦已用了四、五年, 部分格式已 outdated, 所以都無謂再花錢修理.昨天找了細佬幫我去黃金買新機, 他負責同 sale 講, 逐項配件報價後, 再去多兩間較大型的集團式店鋪格價, 上落百多二百元, 但他們話其中有些配件無貨, 叫我哋揀其他型號, 所以最後都係去番第一間出機算了, 叫落訂後 1 小時後去提貨點取貨, 然後我哋週圍睇吓 d Mon, 但牌子、款式太多太新, 又 LCD 又 LED 又高清, 一時間很難下決定, 為免買錯, 還是押後再慢慢揀吧!
去到提貨點, 原來要攞籌, 一等便再等多 45 分鐘, check 貨時又發覺攪錯咗個 Hard Disk, 他們又要找人送過來, 細佬原先已約好朋友打 Tennis 要趕住走唔可以再等了, 細佬走後, 我自已再行多一陣黃金 & 高登才返歸.
今午再出去取機, 新 PC 的主機消費只比四、五年前的舊機貴些少, HK$ 5,960 (不連 Mon), 但這幾年間, 電腦產品真的更新得很快, 部分配件價格又不斷降, 所以付出差不多價錢, 已比舊機的裝置強很多, 其實現在我大可以省回一些, 揀稍平一些的型號已夠用, 但為免麻煩, 希望現在付出多少少, 加大了馬力後, 可以令這部新 PC 再耐用一些吧!
PC 新主機: HK $5,960
用咗多年的 15" 舊 Mon, 雖然細咗小小, 但仍好清晰!
成6,000砌部機,使唔使咁鬼呀?3千蚊已可砌部好快架啦.
回覆刪除[版主回覆12/07/2010 16:35:00]
3千蚊部機好快
咁平部機做文書處理一定無問題嘅, 但如果上網 、 上 、 下載... 會唔會變得好慢架?
買部成的all in one 都糸五千幾再好的七千幾,信用咭可以24期.....
回覆刪除[版主回覆12/13/2010 20:45:00]早兩個月睇中 Hx 輕觸式的 all in one, 要 8 千幾, 另一部內置 TV高淸要萬幾, 最後都唔啥得買
妳細佬一定係平時用電腦來打機的,所以先要咁勁,一般上網 、 上 、 下載 $3,000已ok.
回覆刪除[版主回覆12/13/2010 21:10:00]細佬間中會打吓機咁啦, 佢自己個部 PC 08 年砌 , 七千幾.
今次幫我出機, 已慳咗成千銀, 我都知我呢部係比一般入門機貴咗些少... 只希望它可以用多兩三年, 冚番條數啦