灣仔電腦通訊節

 

 

由於有免費邀請咭的關係, 今日去了灣仔電腦通訊節, 十時多到達會場, 人不太多, 可以慢慢行, 慢慢睇, 不過 1:00 過後, 埸內開始有些迫, 有些檔位開始變得水洩不通, 眼見這個情況, 真係唔想再行.

其實今次進場沒有甚麼目標要買, 只是抱著看一看的心情, 踱下踱下, 見有一個 ALxxx 名廠喇叭, 賣 $99, 本來好想買, 但由於是 USB 插頭, 所以沒買.

3.5" 外置 Drive, 好平, USB 3 .0 2 T 只賣 $699, 不過我部腦仍有很多儲存容量, 暫時沒需要添置.
另外家品店實X有個檔位, 有一個電熱水器賣 $50, 真係好平; 另有一款14” 座地電風扇有埋時間掣, 只賣 $69, 兩樣一齊買, 只需一百, 真係超值, 看見後立即有些想買的衝動, 但兩樣貨品現時家中沒缺, 為免變成堆放雜物, 最後仍把持得住, 沒有幫襯.

結果離場時只買了三把容易拿走的電腦風扇仔, 輕輕鬆鬆地離開.

晚上在家看中國女排, 新組合以 3  比 0 直落擊敗波蘭, 精彩

中國女排, I love u all!