馬來西亞之旅出發前雜寫

話咁快將要展開馬來西亞之旅, 今次嘅旅程真係來得很突然, 突然到無事間給我慢慢地揀旅遊地點、慢慢地搜集旅行團資料及格價. 不過香港人真係好幸福, 簡單來講, 只要肯花些少 $, 問題可以變得不再是問題, 隨時可以遊走世界各地.

今次在無心理準備的情況下, 快速報了馬來西亞團, 揀這個團的原因有:

1) 去年也曾考慮過去馬來西亞, 但最後去了韓國睇紅葉, 所以報團時, 叮一聲, 馬來西亞便出現在腦海中.

2) 行程簡簡單單, 不用坐長途車, 也不用攀山越嶺, 應該適合我哋兩個 "老鬼".

3) 而最主要原因是被以下這幅狄臣港高腳屋酒店吸引着:

一向喜歡看海看魚魚, 真係睇見圖片都感受到海風迎面吹來, 加上藍天白雲, 爽呀!

4) 房間 1200 呎, 廳中地上有觀魚窗, 每房更附設獨立泳池, 雖然以前去旅行, 很少會在酒店嘅泳池遊水, 不過今次房內會有獨立池咁誇, 真係要破例帶埋泳衣游個痛快(有氣嘅話), 到時還要影番一些 "肉" 照留念!

5) 團名標榜為 [豪嘆團], 相信吉隆坡的 2 晚酒店應該不會太差吧, 報團時旅行社職員說午、晚餐會有特色馬來亞美食, 不過我會更期待享用每天 5 星級酒店的自助早餐.

6) 馬六甲當晚加 $ 升級了住宿 5 星酒店, 一於再豪一豪吧!

旅程期待中!