無啦啦發官威 - No way!

年幼時住公屋, 有一天, 我們幾兄弟姊妹做緊功課, 突然有屋邨辦事處的區長 ( = 房屋事務主任) 和管理員拍門, 話接報樓上有人拋水彈落街, 母親回覆不會是我們做的, 因她正看管著我們做功課, 我們沒有出過露台玩, 當區長知道屋內有小孩, 又見母親斯斯文文, 以為好虾, 他不由紛說, 已當作是我家做嘅壞事, 立即無啦啦擺起官威, 發咗顛咁開始亂咁吠  很不禮貌地連珠炮發: 話我地頑皮不突止, 又恐嚇要 Call 警察拉人, 又話要封屋, 母親見被人屈, 當然是把幾火 , 便和區長展開爭辯, 區長即時警覺到母親並非無知婦孺, 連忙拉隊走人.

母親越想越興 , 立即手書一封投訴信寄給屋邨經理, 訴說區長的失職及無禮, 沒有仔細調查, 隨便屈人, 經理收信後便接見母親 (陪同列席的還有屋邨副經理, 當天的管理員及那個無禮的區長), 區長頓時變了臉, 收起了他的霸氣, 又握手, 又開門, 又拉椅, 打恭作揖, 頓時變成無牙老虎, 洩了氣的氣球, 一直低著頭, 瑟縮在旁 . (你話喺唔喺犯賤呀?)

母親當然有風駛盡餌, 連忙引述投訴信嘅內容, 述說無禮區長的不是, 跟著問經理:                   
< 我寫這封信落嚟問過明白, 唔知啱唔啱呢? ... >   再引用信中內容問:
< 經理質之高明, 以為然否? (投訴信是用文言語法寫的.) >   經理連忙回應說:   
< 啱! 啱! 啱! >   又說:                       
< 你大人有大量, 大人不記小人過, 原諒佢呀! >
並向母親道了歉, 又當面責備了區長的魯莽和不禮貌. (經理認同咗喺區長的失職和無禮, 母親當然喺沉怨得雪, 贏了漂亮的一仗 .)

辦妥公事後, 臨走前, 經理問母親信件是否她的手稿, 並讚賞母親的文筆措詞及細膩的書法 (母親當時寫的是用文言語法, 相信較年青嘅經理也未必識寫, 所以他讚不絕口

.)  (可惜當時唔興吓吓影印, 所以封信無留底, 不然可以 Post 上嚟個 Blog, 唔洗齋 Up 咁寡, 真喺徙曬!).
 

事後她每當想起那次事件, 都感到很自豪, 並會藉機教導我們待人處事的方法: 應該持著不卑不亢的態度, 切勿信口雌黃, 作威作福, 狂妄自大, 口沒遮攔, 口不擇言, 相反地, 遇著不合情理的欺壓, 也不可作縮頭烏龜, 任人踐踏, 因為人善俾人欺, 蝕底嘅會喺自己, 遇有不平嘅時候, 只要堅守信念, 據理力爭, 必定會有回報 .