張家界、長沙之旅(10)

～ 張家界 ～

長沙、普瑞溫泉SPA、吉首、鳳凰古城、芙蓉鎮、龍王洞、

張家界、黃獅寨、天子山、袁家界六天直航團

27.10.2006 (星期五) - 1.11.2006 (星期三)

* * * * * * * * * * * * * * * * * * * * * * * * * * * * * * * * * * * * * * * * * * * * * *  

 芙 蓉 鎮 (王 村)

芙蓉鎮原名【王村】, 位於湖南省永順縣, 是土家族聚居的地方, 後因劉曉慶的電影【芙蓉鎮】在這裡拍攝而得名, 沿著階梯狀的老街 (主要大街) 走, 可見青石板路.

劉曉慶在電影【芙蓉鎮】裡飾演豆腐西施, 所以在老街沿途上, 可看到很多米豆腐店, 包括【劉曉慶米豆腐】...

但以電影實景拍攝場地【胡玉音米豆腐店】最出名, 既然咁有名, 又一場嚟到, 當然想影相留念, 怎料剛剛拍了一張門口的招牌照, 突然從後面閃出一個老婆婆, 張口大罵, 說影相要收錢..., 並且馬上用黑布遮住招牌 !? 唉! 我又唔喺影妳副尊容.
做咩咁大火氣  ? 況且打開門做生意, 我幫你免費宣傳, 唔講多謝不突止, 重開口鬧人,
 真令人氣結  點解佢嘅思想重喺咁落後, 完全不懂得把握宣傳機會, 罵人更會破壞店舖的形象,
 同時也抹去了我哋原先想坐下來一嚐米豆腐嘅興緻 .  做少了生意, 何苦呢?

幸好在另一邊廂, 被我發現兩婆孫, 這位老婆婆完全是另一個模樣, 非常慈祥友善, 和藹可親, 和她攀談, 臉上常掛著笑容, 而她的孫女也非常精靈可愛, 表情多多, 為今次芙蓉鎮之旅, 留下了溫馨的回憶.

 

途經【邱氏姜糖】門外, 有師傅正在拉姜糖, 部份製作過程, 請觀看我拍攝的影片 (My Videos): 

1) 邱氏姜糖製作過程 in Yahoo! Video

2) 邱氏姜糖製作過程 in YouTube 

其他特色店舖還有:

街口的【天下第一螺】飯店, 招牌菜就是酉水中的螺, 據說螺肉比一般的肥大鮮美.

其他特色貨品包括色彩繽紛的掛飾、土家酒等等.