1 號波轉 3 號波之重遊海洋公園

1 號波轉 3 號波之重遊海洋公園 

以前去過幾次海洋公園 (Ocean Park), 近幾年都無再去, 最後一次去嘅時候, 安安佳佳的熊貓館關閉, 無緣見熊貓一面, 自從盈盈樂樂來了香港之後, 一直想重遊這個樂園, 看看 4 隻熊貓及另一個新場館 - 水母館, 上個月曾經攞定假預備去玩, 豈知當時日日落雨, 只好將行程押後, 哈哈, 今早雖然掛了 1 號風球, 但天色不算太差, 所以我們決定照計劃成行, 不再延期了!

去到大樹灣入口, 有很多學生, 個個攞住張會考准考證換半價票, 條龍去得比較慢. 另一方面, 本月成人入場亦有優惠, 只要買一張全年金咭, 即送多一張成人票.

 

計吓條數, 一年內持咭人只要去多兩次便可歸本, 唔會蝕底, 而金咭除夜間萬勝節活動 / 生日 Party 外, 全年任何時段皆可進場, 包括星期日及公眾假期, 所以我哋計掂條數後, 便很豪氣地買了兩張金咭, 4 個人施施然便拉隊進場  !

  

入閘後, 發覺以前個海馬 logo 換成咁...幾時換 ga

集古村已名存實亡, 只剩下間酒樓.