27 年來最凍嘅聖誕節, 氣溫只有 10 度, 新界再低兩三度.
天氣咁凍, 唔想出街, 約埋家人係屋企打邊爐.
大姊負責去街市及超市買材料, 我留係屋企接應洗食材.
預備好食材, 等齊人便開爐, 怎料一插電磁爐, 啪一聲, 跳了掣, 跟住聞到有 Law 味, 爐底更擁出白煙, 大佬連忙拔插蘇.
而家 D 電子產品越嚟越唔襟用, 個爐用過兩次便報銷, 好彩無嘖火咋, 唔係仲嚇餐死.
唉! 臭崩崩, 立即掉埋佢去垃圾房算了.
再攞另一個同款式嘅電磁爐出嚟, 今倘撳極都顯示 Error, 又係開唔到爐
.唯有搵收埋咗好耐嗰個陳年電火鍋出嚟, 好彩佢仲用到, 如果唔係, 真係要入廚房用煤氣滾熟 D 火鍋料嚟食
.食完後大佬仲送每人一份聖誕禮物
.晚餐我再掃埋 D 淨餘物資, 很滿足地過了今年聖誕節!
沒有留言:
張貼留言