韓國雪嶽山之旅 Day 4 - Part 4: 閒逛明洞、亂打 Nanta Show、石頭飯、Courtyard Marriott

離開 3 D 立體美術館 Trickeye Museum, 又未到睇亂打 Nanta Show 時間, 導遊安排了一段自由活動, 首先車咗去亂打show 樓下解散, 然後各有各行.





去咗韓國 4 日, 今日見到最多韓國人, 明洞有些似旺角, 設有行人專用區, 到處人頭擁擁, 亦有很多街頭小食.

勁攪笑嘅小丑.



街頭小食, 我哋試咗好好味嘅鮮炸薯片.

 

同埋好好味嘅夾心魚餅.

長長嘅軟雪榚好吸引, 但最後都無試過.

行了差不多 1 粒鐘後, 返回去睇亂打show, 個 show 係韓國, 人氣唔錯架, 亦曾多次出埠表演.
個 show 嘅埸景發生在廚房中, 甚少對白, 主要以敲擊廚具打出澎湃的節奏.

可能少對白的關係, 加上幾日來舟車勞動, 我和姊姊睇睇吓自自然然去咗搵周公  , 好彩中場還會醒一醒, 不至於昏頭大睡.



埸館細細, 分了上下兩層, 我哋坐樓上.
表演全長 100 分鐘, 期間嚴禁攝錄.

睇完 show 去食晚飯, 今晚食火鍋 + 魚子石頭飯. 

食完飯去酒店, 今晚住首爾市中心的 Courtyard Marriott.
講明市中心, 地價高, 房間果然是5 日行程中最細的一間, 無露台、無餐枱、無廚房, 幸好還算乾淨企理.

今晚要執好行李, 預番少少位, 明日 last day 可能會大出血買手信.

 

(尚有其餘相片放相簿)

(遊記待續)

(Remark: 人像經過特效修飾, 真面目如何? 煩請 Blog 友自己想像  ).