馬來西亞五天之旅出發篇

馬來西亞之旅出發囉.

昨晚去了姊姊家中過夜, 因為半夜 3 點多便要起床, 4 點多出門趕搭通宵線機場巴, 條街好靜, 間中只見到一些年長嘅晨運客, 早成咁, 真係佩服!

差不多 6 點半去到機場集合點, 見到另一旅行社的領隊已做緊嘢, 唯獨不見我哋個領隊, 行了一圈都唔見她, 行回原位, 見有一架行李車似是一般領隊嘅架步, 行埋去睇真 D , 果然是我團領隊, 問佢點解無團牌, 佢話仲未夠鐘喎, 差幾分鐘, 吹賬!

寄完艙周圍行一行, 影吓相, 搭無人列車往登機閘位, 航班準時 8: 45 起飛.
 

航機差不多客滿, 幸好我哋有窗口位, 可以看看機外的景色.

回望大嶼山

第一次搭馬航, 飛機餐普普通通啦.
上: 奄列、飯 / 下: 雞肉、意粉

3 個多小時航程, 看看報紙打發時間, 原來大馬剛剛慶祝完國慶.

早前威廉、凱特走訪大馬, 馬國報章大篇幅報導他們的行蹤.

 

 

凱特被狗仔隊偷拍顆照, 英王室震怒.

降落前一刻, 大馬上空.



坐了 3 個多小時, 航機於 12:25 到達吉隆坡, 比原定時間快了 20 分鐘.

吉隆坡機場原來都幾大, 行了一段路都唔見入境大堂 (我見有些香港客要問另一間旅行社個領隊), 而我哋行行吓便見到無人列車, 雖然領隊在香港機場無講過落機後要坐車去入境大堂, 好彩我哋醒, 上咗車, 幾分鐘後便到達入境櫃台及行李輸送帶那一邊.

攞齊行李, 會合領隊、導遊後, 便離開吉隆坡機場, 正式展開大馬五天之旅.

(尚有其餘相片放相簿)

(遊記待續)