坐完單車, 終點站便是水陸兩用鴨仔船集合點.
隻船有車轆架.
上齊人便開車, 首先遊車河.
一路車到岸邊, 再搖身一變為船, 直接衝落海, 跟住變成遊船河.
沿岸景色.
然後去陳金福特產總滙買手信.
導遊特別推介: 荳蔻膏, 買了兩盒看門口 ↓
最後一晚濕平, 所以鬆手咗, 買了一大袋, 臨上車前, 攞去 pack 箱.
跟住係時候醫肚, 夜來香大肥嫂海鮮家晚飯.
特色菜是麵包雞.
今晚又食魚翅.
扇貝、蟹.
唔知乜魚?
蒸水蛋.
呢隻貓全程踎係我旁邊陪住我食飯, 見佢咁乖, 又唔嘈, 我便分些食物給它吃.
食飽飽便入住馬六甲的酒店, 旅遊巴士首先停在 The Majestic Malacca Hotel, 放下了加 $ 升級住宿的我哋倆人及部分團友.
導遊幫我哋攞咗房後, 他便和領隊及其餘團友駛去另一間酒店: Renaissance check in.
上咗 Majestic Malacca 房後, 首先享用歡迎糕點, 賣相普通, 不過幾好味 (可惜無歡迎飲品, 只得兩支水.)
導遊話馬六甲無夜市行, 又話晚上好少人出街, 既然補錢升級入住這間酒店, 一於留多點時間在房內, 所以無再出街行.
慢慢睇吓房內佈置, 裝修用料比較古式, 包括挑花 "大床".
其實張床比較細, 細過屋企瞓緊個張, 但床褥就好舒服 ↓
超大個攬枕 ↓
樓底扇.
書桌, 牆上面有一行六個插蘇位, 係酒店好少見 ↓
船形浴缸 ↓
厠盆 ↓
窗外夜景, 有摩天輪呀 ↓
仲有條河, 間中會有觀光快船駛過, 可惜太黑, 所以無影條河.
突然間發覺房中有道門, 門內又有門, 內門鎖住 ↓
再睇吓張走火圖, 原來間房同隣房相通, 隔離房道門鎖住, 但係我哋道門係無鎖掣架, 所以臨瞓前我哋要拉張椅去頂住道門先敢瞓呀.
(尚有其餘相片放相簿)
(Remark: 人像經過特效修飾, 真面目如何? 煩請 Blog 友自己想像
)(遊記待續)
沒有留言:
張貼留言