由於團員昨晚分批入住兩間酒店, 講好今早各自在酒店食早餐, 即是我哋係 Majestic Hotel 食, 另一些團友會在 Renaissance 食, 11:30 他們會過來接我哋一齊出發, 所以今早是自由活動時間.
今早房間景觀↓
而我哋晨早起床, 執好行李便落樓下行吓, 睇睇加了幾百蚊是否物有所值
.基本來說, 大堂沒有豪華裝修, 賣點主要是懷舊 feel, 沒有大型水晶吊燈, 枱、椅、座臺燈、地磚圖案等等... 都充滿著古舊氣息.
酒店細細, 房間不多, 每層只有 7 間客房, 到處都比較寧靜.
閱讀室放了一些懷舊小食: 花塔餅、棋子餅、加應子等等...
酒店雖然細細, 收得 5 星級價錢, 泳池、健身房、spa 房點少得!
行完便去食早餐, 入到餐廳, 只得另一枱客人, 雖然酒店係細, 嘩! 真係無諗過餐廳會咁少人, 莫非加 $ 入住便是包場進餐
餐廳某一角落, 空無一人 ↓
可能住客少啦, 今餐不是食 buffet, 而是睇餐牌叫的.
研究咗一輪才落 order, 其實叫咗乜嘢食都唔係好知, 最後嚟咗呢兩碟主餐.
由於頭 3 日早餐都係任食 buffet, 初時見到呢兩碟以為會食唔飽.
其實上面腸仔嗰碟嘅份量, 對早餐來講係 ok 架, 不過下面碟飯略嫌無乜料, 所以我哋決定撈亂食.
幸好 waiter 見我哋杯果汁、咖啡、茶淨番少少, 會自動幫我哋加.
食食吓有 waiter 推住架粟米片、牛奶餐車過來問我哋要唔要, 食得唔好嘥, 肯係要啦.
最後仲有水果餐車推埋嚟叫我哋揀, 食完又可以再叫.
整體來說, 碟飯雖然無乜料, 但勝在有飯香, 其它食材亦很新鮮, 烹調味道也不錯, Waiter 的服務態度一流, 我還以為自己去咗香港半島酒店進餐.
原來五星級酒店, 水準真係有保證架!
唔覺唔覺...都食到好飽, 然後出街行, 見到個中文名: 大華酒店.
前面低座 G/F 是酒店大堂, 1/F 便是食早餐的餐廳.
行出閘門口, 奇怪一邊寫著大華旅店, 另一面則寫著大華酒店, 莫非係整容前後兩種叫法 ↓
等我打番條煲呔先.
後面白色高座便是入住的客房.
河畔廣告牌↓
影影吓相, 其餘團友嚟到接我哋, 便出發去最後一個加遊景點, 探訪一間馬來西亞傳統民房.
前舖後居 ↓
馬來西亞糕點 ↓
領隊昨天問過我哋訂唔訂雪條帶番香港, 後來唔夠人數告吹, 在此食多一次馬來西亞雪條 (MYR 2.5 / 支).
(尚有其餘相片放相簿)
(Remark: 人像經過特效修飾, 真面目如何? 煩請 Blog 友自己想像
)(遊記待續)
沒有留言:
張貼留言